影片
更多
2016-04-21
1253 浏览
系公司都将近渡过 10 个年头了，已参加过几位同事既婚宴，恭喜晒 ﹗如果无数错，今次应该系第 4 次喇。美味菜单，都有几款心宜对象㖞，期待中。鸿运乳猪全体、碧绿花枝珊瑚蚌、百花酿蟹拑、花胶野菌扒翡翠、红烧鲜蟹肉大生翅、清蒸海星斑、蚝皇原只鲍鱼扣鹅掌、当红炸子鸡、富贵炒饭、上汤水饺、莲子百合红豆沙、意式泡芙酥。楼底又会那么矮啊，好有压迫感，空间感薄弱，而且枱櫈都摆放得密麻麻，感觉局促唔够开扬。天大既面子呀，连一向讨厌聚餐宴会既老板都抽空出席呢 ﹗顺例影张合照，我经常懒到相都唔想行出去影啊。大会有以自助形式提供婚宴小点，每一出菜，宾客们就杀呀 ﹗我就静静地坐系度观战，非常有娱乐性。一轮撕杀后先出去睇睇有咩食，真系有点肚饿了 ﹗侍应们预备左碟杂锦㖞，麻烦晒，我就试依碟啦。烟鸭胸杂果沙律，酸咪咪凉浸浸作开胃菜真系几好，沙律酱捞杂果再搭上咽韧鸭胸片塞入口，甜酸咸香同时出现，味道撞得精采。鲜虾长春卷，我咬极都系得春卷皮既？无馅架？哈哈。燕窝蛋挞，一笃仔燕窝当然食落都 feel 唔到啦，蛋挞仲要极甜又结实，食紧砂糖一样，不过酥皮做得唔错。合桃酥，外形就好靓，感觉好腻好滞啊。铁观音，每次婚宴我都系选择
楼底又会那么矮啊，好有压迫感，空间感薄弱，而且枱櫈都摆放得密麻麻，感觉局促唔够开扬。天大既面子呀，连一向讨厌聚餐宴会既老板都抽空出席呢 ﹗顺例影张合照，我经常懒到相都唔想行出去影啊。
大会有以自助形式提供婚宴小点，每一出菜，宾客们就杀呀 ﹗我就静静地坐系度观战，非常有娱乐性。一轮撕杀后先出去睇睇有咩食，真系有点肚饿了 ﹗侍应们预备左碟杂锦㖞，麻烦晒，我就试依碟啦。
烟鸭胸杂果沙律，酸咪咪凉浸浸作开胃菜真系几好，沙律酱捞杂果再搭上咽韧鸭胸片塞入口，甜酸咸香同时出现，味道撞得精采。鲜虾长春卷，我咬极都系得春卷皮既？无馅架？哈哈。
燕窝蛋挞，一笃仔燕窝当然食落都 feel 唔到啦，蛋挞仲要极甜又结实，食紧砂糖一样，不过酥皮做得唔错。合桃酥，外形就好靓，感觉好腻好滞啊。
铁观音，每次婚宴我都系选择滴酒不沾，茗茶唔饮酒架，当然尽量坚持，但有时人在肛门都身不由己要饮两杯。孤单空虚的茶壶，得著有心人将他填满！15 分钟了，都无侍应理会，见大部份都好生手㖞。
鸿运乳猪全体，难得一遇既高质金猪，皮脆肉嫩无话肥腾腾。乳猪三食，砂糖、乳猪酱、豆办酱，各具特色、款款可口。脆皮下面黐住薄薄油脂再加最底咸香瘦肉，三层享受 ﹗食到连筷子都要损得干干净净。仲咩收晒我既烧猪仔脚呀？肉质最弹最有咬口既部位黎架 ﹗
碧绿花枝珊瑚蚌，演译方法非常有趣特别，旺菜同花枝珊瑚蚌系分开煮，唔系一齐炒架㖞。大家不约而同首先抢住食旺菜呢，花枝珊瑚蚌顿成配菜。上汤已将旺菜烩得微软，但依然保持鲜爽口感，味道甜美，天然菜甜味跟上汤溶合在一起，绝对的天衣无缝。
将热烫烫又充满水份既旺菜不停输送，每口爆汁，好食。花枝片虽则不是脆卜卜系，不过值其咽韧鲜甜已经满分。珊瑚蚌爽到索索声，散发著上汤清香，完全无腥味或雪味，合格。
百花酿蟹拑，炸到金黄色闪令令非常吸引，四周再弥漫著炸物既香气，使人涶涎欲滴 ﹗感受到的温度，刚刚炸起热力迫人，淋上大量甜酸汁降降温就可以立即品尝。炸得金黄松脆又干爽，非常之香喷喷，使到食欲倍增 ﹗
不要矜持，擘尽个口大大啖咬开，索一声肉汁紧随射出，看得见的 juicy ﹗虾胶超级结实弹牙，跟鱼蛋不遑多样，鲜味震撼全身每个细胞，食到中间还有少许蟹拑肉作点缀，感动万分 ﹗甜酸汁将煎炸及热气感中和，带到另一美味境界。
花胶野菌扒翡翠，系婚宴上极为罕见既菜色，有创意又养生健康有益。上汤蚝汁已透切地烩饱花胶丝及杂菌，每啖都甜美爆浆。花胶黏黏弹弹，杂菌菇味出众又爽口，菠菜爽嫩无渣带浓厚菜甜味。卷在一起送到口中，澎湃汁液在齿间翻腾，味道并奏得出神入化，食得开心。
红烧鲜蟹肉大生翅，近期电视有位大厨解释浙醋并不是捞鱼翅食的，正确系提供食客食完鱼翅后清清味蕾及舌头、清清芡汁糊口感觉的呢。但唔知道几时开始，食客们当左浙醋系鱼翅调味料啰，芽菜、芫茜同样系比食客品尝完碗翅先食架。我已被香浓芬芳既高汤鱼翅气味绑得紧紧，要用九牛二虎之力抑压住冲动情绪，好让侍应完成工作，分好鱼翅比大家呢 ﹗
我已速势待发，开动 ﹗大口大口地喝，高汤味道香甜浓郁，泛著微微蟹肉鲜味，鱼翅爽爽弹弹，汤汁厚薄适中，食完嘴咀黏黏的，回味无穷 ﹗叹完美味鱼翅大满足，呷一小口醋清清味蕾与喉咙，预备迎接下一道佳肴。
清蒸海星斑，我点睇条斑都无星㖞，系咪西星斑黎架？定系青斑混西星呀？但个样都系似老虎斑，分唔开添，哈哈。清蒸海星斑，条斑唔够热只系微暖，都煮左段时间先送到。其实肉质微滑带弹牙结实，不乏肉汁，深海鱼本身鱼味浓厚，沾上鱼汁及蒸鱼豉油都清甜可口，最衰就系够热有点腥味。
几位食家都唔食鱼，又系我出动既时候喇，可以独占三份，Lucky ﹗如果啖啖肉斑球捞上姜葱豉油连鱼汁精华，真系送几碗白饭都唔够喉呀 ﹗好采依度无白饭提供啫。鱼肚我既、鱼水拨我既、鱼头我既、鱼三角都系我既，真系唔好意思喇。四眼侍应弟弟点解收走个鱼头唔出声呀？点解连对面珠登都收走埋呀？好野我留到最后先品尝架㖞 ﹗依位四眼侍应弟弟您好还返比我喇！刚才乳猪脚又收晒唔比我食，哼！赶收工还是留返宵夜呀？
蚝皇原只鲍鱼扣鹅掌，卖相真系有睇头㖞，原只鲍鱼肥嘟嘟，呎吋都唔细，西兰花堆得满满，热腾腾蚝汁富光泽立立令，摆位得体美观。仲有轻烟几缕缓缓冒起，吸引大增。侍应完成工作已分好喇，跟住又系我为大众服务既时候，有同事唔食菜、有同事唔损脚指、有同事唔食鲍鱼。无需担心，等我蚀底一点，挨义气吞晒去，多谢各位支持。
西兰花爽嫩脆卜卜，原味蚝汁已好好味，沾上豆办酱更添惹味，最怕食熟到腍劈劈或生到草青味既西兰花。鹅掌炆既时间太短，还未 transform 到胶胶滑滑黏黏㖞，依然保持爽口索索声。蚝汁渗入鹅掌之中，每吋都已充满蚝油鲜味，可以一啜再啜，损多几只脚指先。鲜鲍大大粒刚刚可以整粒塞入口，非常之弹牙滑溜，被蚝油烩得内外都散发著香气，无法掩盖其鲜味非凡 ﹗食多两粒补补去先，我唔客气喇。经过个几钟既冲刺后，终于有点饱饱地啊 ﹗我唔会放弃既，差不多任务完成架喇。
当红炸子鸡，真的开始有点吃不消，唯有试两旧好喇，食左好多菜饱左。炸子鸡皮薄香脆，不油不腻。鸡皮有点咸，不过鸡肉完全无味亦无鸡味，要点黑糖吊吊味又可以减低咸味呢。髀肉滑弹、胸肉软腍，合格。
富贵炒饭，瑶柱带子菜粒炒饭，惊喜的炒得好呢 ﹗饭粒干爽饱满又咽韧，唔好湿淋淋或黐埋一旧旧。虽然已炒好一段时间等出货，不过蛋香非常，依然食得出好够镬气，炒功值得一赞。上汤水饺，巨形原只虾球做馅，大大只水饺将嘴塞得满满，虾鲜爽味浓，汤汁味都浓而呛，不过不失，都食得过既。
莲子百合红豆沙配意式泡芙酥，非常有特色既美点双辉，中西合碧，造型灿烂夺目又香喷喷。开心既时候好快过，话咁快又要讲 bye bye ﹗我当然走下场，再落酒吧继续饮啦，司机已经等紧我喇。
烟鸭胸杂果沙律
31 浏览
0 赞好
0 留言
燕窝蛋挞
55 浏览
0 赞好
0 留言
铁观音
68 浏览
0 赞好
0 留言
鸿运乳猪全体
46 浏览
0 赞好
0 留言
碧绿花枝珊瑚蚌
43 浏览
0 赞好
0 留言
碧绿花枝珊瑚蚌
41 浏览
0 赞好
0 留言
碧绿花枝珊瑚蚌
28 浏览
0 赞好
0 留言
百花酿蟹拑
62 浏览
1 赞好
0 留言
百花酿蟹拑
30 浏览
1 赞好
0 留言
百花酿蟹拑
31 浏览
1 赞好
0 留言
花胶野菌扒翡翠
22 浏览
1 赞好
0 留言
花胶野菌扒翡翠
41 浏览
1 赞好
0 留言
红烧鲜蟹肉大生翅
14 浏览
0 赞好
0 留言
红烧鲜蟹肉大生翅
25 浏览
0 赞好
0 留言
红烧鲜蟹肉大生翅
18 浏览
0 赞好
0 留言
红烧鲜蟹肉大生翅
14 浏览
0 赞好
0 留言
清蒸海星斑
12 浏览
0 赞好
0 留言
清蒸海星斑
23 浏览
0 赞好
0 留言
清蒸海星斑
29 浏览
0 赞好
0 留言
清蒸海星斑
19 浏览
0 赞好
0 留言
蚝皇原只鲍鱼扣鹅掌
24 浏览
0 赞好
0 留言
蚝皇原只鲍鱼扣鹅掌
26 浏览
0 赞好
0 留言
蚝皇原只鲍鱼扣鹅掌
27 浏览
0 赞好
0 留言
蚝皇原只鲍鱼扣鹅掌
33 浏览
0 赞好
0 留言
蚝皇原只鲍鱼扣鹅掌
20 浏览
0 赞好
0 留言
当红炸子鸡
14 浏览
0 赞好
0 留言
富贵炒饭
18 浏览
0 赞好
0 留言
上汤水饺
29 浏览
0 赞好
0 留言
莲子百合红豆沙、意式泡芙酥
39 浏览
0 赞好
0 留言
张贴
