火間土 (已結業)

火间土开咗咁多年，仍然屹立不倒，当然有佢原因，第一位置佳，有啲位有无敌海景位置又就脚；第二食物质素有水准，唔可以算好好食，但食物系中上质素；第三价钱唔算贵，尖沙咀日本菜价钱可以好离谱，火间土有海景又出名，成日比人好贵既印象，但一打开餐牌，其实同出面一啲连锁日本餐厅差唔多价钱我地5个人去食，叫咗好多野，最估唔到既系，最好食系个韩式石锅烧牛肉饭！热辣辣既饭加上烧到啱啱好既牛肉，烧汁够香再加少少生蛋，哈哈，人大咗真系钟意食热野多过生冷野其余啲鱼生、寿司等都新鲜，不过唔惊喜嗱，写得食评，预咗要还，我不嬲唔太饮冻野，但为咗写食评，就试下呢杯咁特别，色彩缤纷既饮品，其实系橙汁加碎冰，面头加cream再加一啲彩色，好似粟米片咁既脆波波，可以算好饮，但对我黎讲太冻...其余食物都唔错5个人，埋单一人都系$255蚊，我地坐无海景既房位，无限时同最低消费，坐足4个钟，都几抵