尚興潮州海鮮飯店 (已結業)

预先一日系电话约咗星期六六点半5位，伙计回答话有位。到达现场，佢哋有3间铺，先入A铺问攞位，伙计话冇位，叫我哋去问B铺，去到B铺再问，个伙计问都冇问清楚，就大大声话 - "冇book就冇位!" 我哋话已经book咗位，于是佢又叫我哋去C铺问，跟著C铺伙计又叫我哋去番A铺，最后A铺伙计揾脑细，个脑细就掹口掹面，勉强安排咗一张5人枱，不过张枱对正厕所门口，楼梯口，看似货仓嘅出入口。最后我哋决定放弃啦，吾要位走人啦。呢间嘢，客人book咗位好似无处理过，无组织安排可言，伙计粗声粗气，个脑细个块吾耐烦，不泄一顾嘅表情，相信对所有客人，除非系名人或熟客，都系一样。今次真系一次深刻体验咩叫做一出名就巴巴闭。