牛摩+ (新港城中心(5期)) (已結業)

呢间餐厅做打边炉放题，有唔同套餐选择。我哋拣咗安格斯牛颈脊海鲜放题$258/位，除咗安格斯牛颈脊任食，仲有其他肉类都系任食。另外，海鲜方面都系任食。汤底一人一锅，我哋拣咗博多美人骨胶原鸡白汤及昆布鲣鱼清汤。骨胶原鸡白汤好得意，有牛魔嘅公仔样啫喱，慢慢加热后啫喱状嘅鸡白汤就会溶。鸡白汤有淡淡的鸡香。昆布鲣鱼清汤清清地味道都唔错。牛肉类有安格斯牛颈脊肉、美国特选牛肩胛等，另外仲有海鲜盛盒，全部都系任食。熟食叫咗炸鸡块等。自助区有多款火锅配料，蔬菜、丸、面，仲有寿司、卷物等等，仲有多款饮品。甜品有乳酪雪糕、泡芙、啫喱等等。呢一个价钱牛肉质素又唔错，又有海鲜任食，食物又多款式，抵食！