影片
更多
2014-08-16
5365 浏览
一向都钟意「烚吓烚吓」，一边烚，一边食，又一边吹水，尤其一大班人，特别有气氛。同班「死佬」朋友就例去长沙湾嘅新星，简简单单平靓正嘛，但今趟朋友吹鸡，一切有佢打点，难得唔使自已伤脑筋谂地方，安安乐乐食火锅，真喺一餐轻松嘅安乐「锅」 。锅居虽位处福华街，但唔喺近地铁附近嘅一截，不过，对于晌深水埗成长嘅小弟，当然揾佢唔难。餐厅楼面面积唔喺好大，装修带点中国风，一边一列卡位，最啱三几位老友或一家大细；近门口又有啲大枱，适合十个八个老友记，最有趣喺入门口右边，有啲活动趟板可间出一个个室 ，虽则隔音有限，但总算成为私人天地。未讲火锅之先，店家提供餐前小吃，如泡椒凤爪、炸鱼片头、炸云吞仔……等等，有兴趣嘅朋友就不妨叫一、两碟试试；更估佢唔到连冷盘刺身都做埋，有三文，有生蚝……。食火锅汤底喺重点之一，一共11款汤底可供选择，有平有贵，由最平$48嘅豆腐清汤锅，到最贵$218嘅秘制猪肚竹丝鸡锅；其次，火锅料嘅质素都好重要，概略望一转张点菜纸，选择亦一样唔少，仲算喺精选嘢，有咩类别及款式唔多讲，反正扫描晒成张点菜纸俾大家参考，仲一目了然好过小弟呃版位逐样讲啦。起动之前，顺便讲埋啲酱料，一个小木架6款酱
锅居虽位处福华街，但唔喺近地铁附近嘅一截，不过，对于晌深水埗成长嘅小弟，当然揾佢唔难。餐厅楼面面积唔喺好大，装修带点中国风，一边一列卡位，最啱三几位老友或一家大细；近门口又有啲大枱，适合十个八个老友记，最有趣喺入门口右边，有啲活动趟板可间出一个个室 ，虽则隔音有限，但总算成为私人天地。
未讲火锅之先，店家提供餐前小吃，如泡椒凤爪、炸鱼片头、炸云吞仔……等等，有兴趣嘅朋友就不妨叫一、两碟试试；更估佢唔到连冷盘刺身都做埋，有三文，有生蚝……。
食火锅汤底喺重点之一，一共11款汤底可供选择，有平有贵，由最平$48嘅豆腐清汤锅，到最贵$218嘅秘制猪肚竹丝鸡锅；其次，火锅料嘅质素都好重要，概略望一转张点菜纸，选择亦一样唔少，仲算喺精选嘢，有咩类别及款式唔多讲，反正扫描晒成张点菜纸俾大家参考，仲一目了然好过小弟呃版位逐样讲啦。
起动之前，顺便讲埋啲酱料，一个小木架6款酱料喺齐度，有葱花、蒜蓉、辣椒、麻酱、炸蒜及沙嗲，唔算多，但都够晒基本，收费位位$15，真喺点都要混几款捞吓。小弟就较常葱花、麻酱、炸蒜捞沙嗲，浓香中有份清新。
锅居喇沙锅 $68 几款汤底中，以依个喇沙锅最心水，因为一来喺店方推介，二来卖$68唔贵，再者小弟亦钟意喇沙份惹味。一大锅喇沙汤，满满嘅杂菇，味道唔算辣，惹味犹在。
手切肥牛 $108 / 细、$138 / 大 肥牛跟火锅真喺走唔甩，虽然牛肉有几款推介，如至尊手切肥牛（$298）、顶级手切肥牛（$198 /细、$248 /大），不过，唔想花太多，又唔需要食到咁尽，依个手切肥牛已够货（图为大份）。牛肉油花分布平均，薄切轻灼，口感柔软嫩滑，带有少少油脂，够晒满足 ！
蒙古羊肉片 $52 羊肉片刨成薄片，同样轻灼可以，入口软滑，唔太膻，加上以喇沙汤嚟灼，对唔多食羊嘅人会更易入口。
鲜四寳丸 $68 四寳有牛肉丸、鲮鱼丸、鲜虾丸及墨鱼丸各两粒，店员话全部都自家制，食过就知有质素，无欺场，点四寳丸适合人少嘅朋友，可以一次过试唔同嘅丸类。
手打鲜虾丸 $78 好几款丸都话喺推介，依碟手打鲜虾丸又如何。不愧为新鲜手打，虾鲜味十足，还加入粒粒虾肉，而且，口感爽口弹牙，令人回味。
响铃 $35 又喺啲店员嘅重点介绍，话喺晌附近甚有名气嘅树记取货，将响铃轻浸几秒，仍有种香脆嘅感觉，又渗入少少汤汁香味。
自制韭菜饺 $48 又喺诚意之作，韭菜饺自家制，粒粒包得饱满，内里填满韭菜，一咬一口都喺韭菜香。
水鱿须 $48鱿鱼须粗身大条，口感爽弹，由于鱿鱼须一般味淡，所以，衬番依个喇沙汤食落正好多。
脆肉鲩鱼片 $42 脆肉鲩一向喺打边炉嘅心水选项，灼过嘅鲩鱼片，鲜嫩而脆口，鲜甜好味。
除咗以上介绍，都仲有食其他嘢，如蔬菜、公仔面、乌冬，不过，无咩太特别就唔多讲。除咗酱油费，仲有酸菜小食（@$10），汽水$12罐，酸梅汤$28渣，另收加一服务费。9:30pm后入座计，食品一律8折 ，不过饮品除外。香港人真喺热爱打边炉得紧要，火锅店随处可见，你又会唔会跟朋友衬盛夏之祭嚟一次火锅聚 ？
张贴
