影片
更多
2022-05-13
3277 浏览
book之前睇過食評覺得賣點係凍海鮮、生蠔同埋即叫即煮熱盤，加上價位唔低，本身期望都比較高，可惜食完之後係感到有D可惜先趁未點有人拎野食影返幾幅相先第一盤當場食返碟生蠔回一回本先啦，生蠔有2款，一款係常見嘅fine de claire，另一款係紐西蘭，第一轉拎，先試試水溫，一半落汁個樣其實睇落都唔錯，可惜一食落就唔得，肥美程度都叫尚可接受，未去發育不良，但完全冇味冇海水味，唔落汁唔得，之後諗住食返回本都焗住要落多D汁，似係因為清理時洗得太耐洗晒D味，希望餐廳注意一下，唔好浪費左D生蠔蟹腳同凍蝦都係同樣問題，唔juicy冇鮮味，感覺唔太新鮮，Cold cut同芝士都係普通貨色，去食個3百零蚊尖東某間嘅lunch buffet都係依啲質素刺身係普通出街食放題嘅質素，都係唔會再拎蒜泥白肉仲難食過譚仔嘅蒜泥白肉，不了食完冷盤之後已經開始失望，移師order熱盤都希望有返D起色先黎天多利魚柳，個fd食完一碟以為係咖哩雞黎，我食就覺得其實都係正常水平嘅天多利魚，因為真係10成熟，係可以理解嘅，不過味道就略嫌唔太突出唔夠濃味然後係蒜片蝦啲fd又係俾凍肉鋪60蚊磅嘅雪蝦你食，又係唔太夠味，雪味都未辟晒
先趁未點有人拎野食影返幾幅相先
第一盤當場食返碟生蠔回一回本先啦，生蠔有2款，一款係常見嘅fine de claire，另一款係紐西蘭，第一轉拎，先試試水溫，一半落汁
個樣其實睇落都唔錯，可惜一食落就唔得，肥美程度都叫尚可接受，未去發育不良，但完全冇味冇海水味，唔落汁唔得，之後諗住食返回本都焗住要落多D汁，似係因為清理時洗得太耐洗晒D味，希望餐廳注意一下，唔好浪費左D生蠔
生蠔
34 浏览
0 赞好
0 留言
蟹腳同凍蝦都係同樣問題，唔juicy冇鮮味，感覺唔太新鮮，Cold cut同芝士都係普通貨色，去食個3百零蚊尖東某間嘅lunch buffet都係依啲質素
刺身係普通出街食放題嘅質素，都係唔會再拎
蒜泥白肉仲難食過譚仔嘅蒜泥白肉，不了
食完冷盤之後已經開始失望，移師order熱盤都希望有返D起色
先黎天多利魚柳，個fd食完一碟以為係咖哩雞黎，我食就覺得其實都係正常水平嘅天多利魚，因為真係10成熟，係可以理解嘅，不過味道就略嫌唔太突出唔夠濃味
然後係蒜片蝦啲fd又係俾凍肉鋪60蚊磅嘅雪蝦你食，又係唔太夠味，雪味都未辟晒
煎三文魚太老，已經放棄左影相
熱盤唯一值得翻食嘅係4/5成熟嘅牛扒，嫰滑得黎又有肉味又有少少焦香，唯一係略嫌熟度唔夠穩定，因為我地每人叫左3,4碟，叫就叫4成同埋5成，但上枱就感覺上係4-7成嘅出品都有
一人3,4碟，每碟2件，計返出街食單點的話都應該值3舊水嘅
5成熟燒牛肉
22 浏览
0 赞好
0 留言
最後就黎到食甜品，因為怕咳所以所有朱古力有關嘅都冇拎
tiramisu個蛋糕底又硬又冇酒味，面頭又冇咖啡味，個cream又太實
焦糖燉蛋得個甜字，蛋味同雲呢拿味都係完全冇嘅
芝麻慕絲同個檸檬芝士撻都叫勉強可以接受，但某任食素食鋪個芝士撻都好食過佢
綠色嗰個好似係菠蘿椰子慕絲，又實又冇椰子味同菠蘿味
甜品
18 浏览
0 赞好
0 留言
總結:
食左3,4碟試勻晒凍海鮮，冷盤，刺身之後我地2個都放棄左再拎
服務同環境係唔錯，但食物如果keep住係咁嘅質素肯定唔會返啅，每人6百幾完全唔抵，係個牛扒先回返D本
都希望只係岩岩回復晚市，物流鏈未完全回復正常，先至影響凍海鮮質素，如果凍海鮮質素真係好似其他食評咁的話，就算甜品質素冇改善，我都有機會再黎食，始終本人唔係甜品控
张贴
