風流居酒屋 (已結業)

今日与男友咁arm经过附近，记得有间黄店就去帮衬下。老实讲，两年前食过一次，觉得唔错。但今日再去食，真系十分之失望！😞😞😞首先，讲下服务态度。我地系星期日lunchtime时间去，唔洗等位，但亦都无人招呼我地。我地自己揾位坐低左，等左好耐先见到有侍应出现。落完单，等左半个钟连饮品都未到，然后同侍应跟进，佢竟然一面不在乎咁问番我地嗌左d咩。食物方面，串烧还好。但个拉面真是无改错名，名乎其实嘅地狱拉面。食左一啖，已经有彷如置身于地狱嘅感觉，知道中左大伏！🤬个面底好似一团面粉咁嘅质地，其他海鲜食材亦感觉不太新鲜。真系完全不能接受！食左一啖，就再食唔落肚。至于衞生方面，亦有待改善。同好多香港餐厅一样，餐厅面积比较细，而用餐嘅枱同厕所距离都几近。但餐厅居然一直由得厕所门打开，d细菌气味会传哂出嚟🤢咁样令人真系唔太有胃口食嘢。最后都系想讲一句：黄蓝是政见，好食是良知。 我唔会因为呢间是黄店而盲撑。如果餐厅是用心经营，相信就唔会出现上述嘅情况。