影片
更多
2022-01-05
869 浏览
本来返饮食业好怕收到客既差评，之前出去食饭d餐厅都冇试过俾负评。呢间系我人生第一间咁唔满意到要写负评既餐厅。！其他有兴趣嘅食客我真系宁愿你食其他普通啲平啲嘅餐厅都唔好拣呢间咁嘅嘢去攞气黎受。！喺K11返工放大嘅时候就选择左呢一间嘢，估唔到成间餐厅俾人嘅感觉依然系匪夷所思的差。开头入座嘅时候企门口嘅男同事目无表情，我决定入去食嘅时候就讲四个字安心出行哒过嚟。都算，大家都系做饮食业，我唔知系炒档吵到好攰，费事难为同行啦，发现有啲问题对人太好系唔得㗎。坐低之后去睇个Menu，又只系得一啲贵夹唔饱肚嘅所谓下午茶餐，正常街边茶餐厅除咗每日嘅茶餐都会有A la carte Menu啦，呢间有咁多分店同埋喺K11入边嘅餐厅竟然连呢啲最Basic嘅嘢都冇。咁照嗌个蒜头橄榄油炒辣椒意粉算啦，啲嘢上到嚟真系得啖笑，个碟成两个头咁大啲面就得𠮶几啖，唔知仲以为70几蚊80蚊叫咗啲蒜头辣椒碎、几啖面同埋装饰嘅花花草草同罗勒叶。一个女仔加埋碗罗宋汤都唔够饱。食完意识到呢个问题就谂住叫隔离落紧嘢饮（块面圆圆地、带四方眼镜、扎住短边嘅）女服务员帮我拎个餐牌相睇睇有冇其他嘢可以就咁加，结果佢一望到我举手成个眼神都系唔耐
！其他有兴趣嘅食客我真系宁愿你食其他普通啲平啲嘅餐厅都唔好拣呢间咁嘅嘢去攞气黎受。！
喺K11返工放大嘅时候就选择左呢一间嘢，估唔到成间餐厅俾人嘅感觉依然系匪夷所思的差。
开头入座嘅时候企门口嘅男同事目无表情，我决定入去食嘅时候就讲四个字安心出行哒过嚟。都算，大家都系做饮食业，我唔知系炒档吵到好攰，费事难为同行啦，发现有啲问题对人太好系唔得㗎。
坐低之后去睇个Menu，又只系得一啲贵夹唔饱肚嘅所谓下午茶餐，正常街边茶餐厅除咗每日嘅茶餐都会有A la carte Menu啦，呢间有咁多分店同埋喺K11入边嘅餐厅竟然连呢啲最Basic嘅嘢都冇。咁照嗌个蒜头橄榄油炒辣椒意粉算啦，啲嘢上到嚟真系得啖笑，个碟成两个头咁大啲面就得𠮶几啖，唔知仲以为70几蚊80蚊叫咗啲蒜头辣椒碎、几啖面同埋装饰嘅花花草草同罗勒叶。一个女仔加埋碗罗宋汤都唔够饱。
食完意识到呢个问题就谂住叫隔离落紧嘢饮（块面圆圆地、带四方眼镜、扎住短边嘅）女服务员帮我拎个餐牌相睇睇有冇其他嘢可以就咁加，结果佢一望到我举手成个眼神都系唔耐烦，自问做饮食业都好怕啲客系咁chur、而我已经尽量将问题减到最低除咗叫落单嘅时候冇问过其他嘢，问有冇其他嘢可以就咁加钱加嘅时候佢嘅答案简直系惜字如金。
之后佢同带位𠮶位男同事企喺餐厅当眼处笃电话，笃电话都明但完全好似冇睇住个场咁，去到后尾举手谂住叫埋班嘅时候举左成分钟都冇人俾单，后期蚊个头发有少少窄嘅男同事想要张单去埋单，结果态度都系差得惊人。之后后尾有位长头发挛挛哋嘅女同事见到我举手话要买单先有人会帮我。
最后𠮶位埋单女同事系全个餐厅入边服务态度最好最正常嘅，虽然我哋成间餐厅净系唯一一个我觉得值得赞既地方。原本返工放lunch去食饭都冇谂过要有啲乜fine dining嘅待遇，但正常大商场 K11呢d规格既服务都唔至于差成咁。
食完呢次以后真系不了，以前仲以为会有改善、哪怕一丁点都好，点知都系咁unacceptable。一生抵制，只因毫无改进既服务质素同匪夷所思既menu operation 机制。
张贴
