影片
更多
2021-03-21
3315 浏览
呢排不停去staycation，港岛数一数二嘅酒店都去过，见佢ISL今次包自助晚餐及自助早餐，觉得质素唔会差得去边啦！咁咪book啰！以前都唔系冇食过Café TOO，点解而家可以差到咁！食物质素系低到，就算你冇去过其他酒店冇得比较都觉得过分！完全系因为staycation而调整你哋嘅食物级数，我觉得好唔尊重你哋自己嘅酒店品牌。首先讲刺身类：冇带子刺身唔紧要，八爪鱼系唯一弹牙新鲜之选，吞拿鱼又暗又出水！系中档酒店都唔会供应嘅质素！海鲜类：要闹嘅系焗龙虾！个感觉系全部龙虾起肉切碎，再狂腌同那走晒啲肉味 ！摆明系因为啲龙虾又瘦又唔新鲜先咁样处理！ 唯一令人地期待嘅贵价海鲜都整到咁！ 好cheap！天妇罗普通到不得了，食材算新鲜，但唔觉得佢识整天妇罗！炸浆厚度酥脆度等等都系俾返中低档自助餐嘅诚意，要赞嘅系沙律🥗section，非常新鲜同种类多！其他𠮶啲泰式吧就普通、唔提乜罢另一个令人食到嬲嘅位就系甜品🍮！不知所谓！！见到个玻璃柜系呀好似好澎湃好多款 ，但其实近啲望已经见到唔对路！样样都好似啲cheap饼店会整嘅款式咁！食落除咗甜、乜都食唔出，真系难食过啲呃钱hightea！我差唔多全部款试咗
食物质素系低到，就算你冇去过其他酒店冇得比较都觉得过分！完全系因为staycation而调整你哋嘅食物级数，我觉得好唔尊重你哋自己嘅酒店品牌。
首先讲刺身类：冇带子刺身唔紧要，八爪鱼系唯一弹牙新鲜之选，吞拿鱼又暗又出水！系中档酒店都唔会供应嘅质素！
海鲜类：要闹嘅系焗龙虾！个感觉系全部龙虾起肉切碎，再狂腌同那走晒啲肉味 ！摆明系因为啲龙虾又瘦又唔新鲜先咁样处理！ 唯一令人地期待嘅贵价海鲜都整到咁！ 好cheap！
天妇罗普通到不得了，食材算新鲜，但唔觉得佢识整天妇罗！炸浆厚度酥脆度等等都系俾返中低档自助餐嘅诚意，
要赞嘅系沙律🥗section，非常新鲜同种类多！其他𠮶啲泰式吧就普通、唔提乜罢
另一个令人食到嬲嘅位就系甜品🍮！不知所谓！！见到个玻璃柜系呀好似好澎湃好多款 ，但其实近啲望已经见到唔对路！样样都好似啲cheap饼店会整嘅款式咁！食落除咗甜、乜都食唔出，真系难食过啲呃钱hightea！
我差唔多全部款试咗得一种焦糖柠檬切饼系好食，𠮶啲macaroon 系好恐怖！你唔识整就算！唔好整！整返pancake！个皮脆弱到一㩒即散！皮及馅比例完全离晒谱，死甜！净系得个甜字！口感完全系同正常macaroon两回事！简直系垃圾！
我明白其他老牌酒店🏨例如：文X同美X酒店，佢哋offer超高质食物嘅情况下系要三千几蚊，但我见到你呢间ISL嘅自助晚餐敷衍到咁，貌似种类繁多其实几乎样样都差，我深信就算我比到三千几蚊，你哋啲食物都去唔到𠮶个质素！你间房已经唔系特别正，一直经营落嚟都算出名嘅自助餐都搞到咁，真系好可惜！
就算我去同价钱同级数嘅Conxxx，人哋都唔系好多款式但每样都精美同五星级质素！ 人哋晚餐buffet个冻龙虾🦞啖啖肉非常新鲜弹牙，令人感觉净系食佢龙虾一种已经非常值！
当酒店业人人都喺疫境下寻求突破，出尽法宝令本土客人支持，哪怕系非集团式嘅细酒店，佢哋只要认为自己嘅出品系符合酒店定位，佢哋keep到质素嘅话仍然系有自己嘅优势，你唔需要斗做烂市，只要唔好好似茶餐厅咁将货就价，将自己值钱嘅服务或出品降格，一样会受人推介。好可惜Café TOO真系非常之差，明明有一定嘅人喜欢ISL酒店嘅历史感及古雅气息，但你餐厅咁搞法，住宿都一定会受拖累！
系重视评价嘅管理层就好心见到咁多差评， 真系着手做啲嘢去搞好返间餐厅啦！否则你哋有几多年历史几多艺术品同几好嘅服务都冇用，除非你哋只系卖住宿唔系食住bundle，不过如果你觉得咁样系生存到嘅话你就唔使搞staycation啦！
张贴