鼎尚燒鵝湯館

营业中

休息中

新年初四去山顶食饭行个大运，间间餐厅都大排长龙，可能因为佢写明新年加二，加上餐厅价格定位唔平，唯独呢间条龙叫做短少少有希望，就排咗呢间餐厅。入到去零服务，摆低几张垫餐纸同碗筷店员就行开咗，预你自己摆位，而餐具都有少少唔干净，不过太繁忙，费事叫佢换自己抹咗。然后店员好快不断叫你落单。舖头不断有人排队食嘢，但上菜嘅烧味全部都系冻。烧腩仔系脆，但系冻，烧鹅比较咸又无肉，又系冻。以山顶地段黎讲八九十蚊(未加二)份量还可接受，小贵但都明白，但冻系不可接受。点心蒸点系热既，但份量少得离谱。牛肉球得两粒，叉烧包得两个，烧卖系三粒。都未到最夸张，六十几蚊一份既春卷，系两条一开二得四旧仔，炸腐皮卷仲惨，六十几都系两条一开二仲要系营养不良又瘦又皱，睇见都唔开胃。香港人真系唔好去交智商税，留返比邻国旅客食。