黃金美食

营业中

休息中

今晚同老婆去完深水埗食晚饭，行去新高登商场隔离个停车场攞车啦！见到有间糖水舖，主打中式糖水，就行过去望下啦！见到佢个餐牌全部手写，重要写到好鬼潦，本身都觉得无咩heart，隐约见到杏仁露，陈皮红豆沙，绿豆沙同埋核桃露咁啦！于是我地就叫左碗杏仁露同埋核桃露外卖啦！价钱超值，都只系15蚊一碗，呀姐就重要不到满一满咁，俾钱果时见到有茶叶蛋卖，竟然系10蚊3只，唔洗谂啦！买埋啦！40蚊搅掂。返到屋企开箱，杏仁露真系食得出自己磨，唔系开粉，食落去重有d杏仁沙，糖水好香，好浓，但系又唔会死甜，绝对超出15蚊嘅预期。跟住就到核桃露啦！因为头先碗杏仁露令到我地好高期望，一开，满满嘅糖水再加上香味，试啖先，糖水都系好浓，唔会水汪汪，而且都食得出系自己磨，食落去有d渣，而且好香核桃味，绝对推介。最后就到茶叶蛋啦！好入味，同埋食得出系妈妈嘅味道，只蛋好大只，应该系湖北蛋，蛋白同蛋黄都好入味，又系唔会死咸，好香，10蚊3只绝对系超值。而家e个时势开店好艰难，姐姐真材实料，绝对推介，重要咁平嘅价钱，完全系性价比超高，之后一定再帮衬，咁有妈妈味道嘅小店真系买少见少。