芽籠

营业中

休息中

经常出差去星马嘅我，十分之喜欢当地嘅食物，所以见到有一间标榜地道新加坡风味嘅餐厅，再加上好多好Review，决定马上去试试。结果系一个重雷区，真系唔知道点样可以再相信Review去揾好嘢食…….Order咗芽笼虾面，葱饼配咖喱汁及新加坡白胡椒肉骨茶配米饭。葱饼多油而且黏，一啲都唔松，而且咖喱亦一D都做唔到星加坡嘅味道，相差好远。虾面嘅汤底有欠虾嘅鲜甜味及虾头嘅浓味，亦欠椰奶味。所用嘅虾好明显系雪藏虾，既硬亦欠虾味。猪腩片则有好重嘅油膱味，整体嚟讲系非常之差。至于个所谓嘅肉骨茶，就真系同肉骨茶完全扯唔上关系。第一眼见到个好浅色嘅汤就知道唔对路，肉骨茶不但一D都唔热，而且完全冇应有嘅味道。茶味唔够浓郁，而且完全冇药材味，只有胡椒味。肉排干而且韧，猪腩肉片同样有油膱味，极之失望。整体嚟讲冇一样食物系可取嘅。虽然呢间食肆所收嘅价钱相宜，但并不代表客人应接受完全冇星加坡食品应有嘅味道嘅食物！