影片
更多
2020-01-04
295 浏览
本人十分喜爱食泰国菜，亦假假地算系泰国菜嘅expert。见到呢间泰国菜完全冇负皮，加上系黄店，当然要来惩罚一下。但只可惜真系唔掂。晚上8点几黎到店舖，眼见依然多人等位。入到去先发觉好多野都冇得嗌，想叫芝士法包，冇！想叫冬阴公炒饭，冇！店员一句话，「已经冇架啦」就算，唔知究竟系卖晒定系本身冇再卖，再问佢究竟有边啲系有嘅，或者好推荐，店员好唔耐烦求其介绍一个𩠌就行开咗。最后只叫左个肉碎生菜包、串烧、泰式炒芥兰第一个上嘅串烧有猪牛鸡，肉烧出嚟算系唔错，但可惜沙嗲酱太稀，对比起其他泰国菜实在好一般。第二个系泰式炒芥兰以卖相还可以，但食落完全冇镬气，碟底水汪汪，二一间餐厅嘅水平来讲，佢嘅炒菜系失败。过咗超过半个钟之后，个生菜包完全未黎，要催一催单先有。卖相其实都好唔错，但系当拎起块茶嘅时候，先发觉啲菜全部都散开嘅，我唔知道以为自己食紧沙律，都算数，唯有硬着头皮咁揾办法包住啲肉碎，点知啲肉碎入口，好大阵㶶味系口度散开。只好即刻叫店员同佢讲声，佢就好唔耐烦sorry都唔讲，大大声一边行返入厨房一边嗌「个生菜包㶶㖞！」嗌到全店都听到。最后真系吞唔落啖气，只好取消。总括来说，呢度食物嘅味道真系唔得，服务
但只可惜真系唔掂。
晚上8点几黎到店舖，眼见依然多人等位。
入到去先发觉好多野都冇得嗌，想叫芝士法包，冇！想叫冬阴公炒饭，冇！店员一句话，「已经冇架啦」就算，唔知究竟系卖晒定系本身冇再卖，再问佢究竟有边啲系有嘅，或者好推荐，店员好唔耐烦求其介绍一个𩠌就行开咗。
最后只叫左个肉碎生菜包、串烧、泰式炒芥兰
第一个上嘅串烧有猪牛鸡，肉烧出嚟算系唔错，但可惜沙嗲酱太稀，对比起其他泰国菜实在好一般。
泰式沙嗲串烧 （猪、牛、鸡）
19 浏览
1 赞好
0 留言
第二个系泰式炒芥兰以卖相还可以，但食落完全冇镬气，碟底水汪汪，二一间餐厅嘅水平来讲，佢嘅炒菜系失败。
过咗超过半个钟之后，个生菜包完全未黎，要催一催单先有。卖相其实都好唔错，但系当拎起块茶嘅时候，先发觉啲菜全部都散开嘅，我唔知道以为自己食紧沙律，都算数，唯有硬着头皮咁揾办法包住啲肉碎，点知啲肉碎入口，好大阵㶶味系口度散开。只好即刻叫店员同佢讲声，佢就好唔耐烦sorry都唔讲，大大声一边行返入厨房一边嗌「个生菜包㶶㖞！」嗌到全店都听到。最后真系吞唔落啖气，只好取消。
泰式肉碎生菜包
$88
10 浏览
0 赞好
0 留言
总括来说，呢度食物嘅味道真系唔得，服务更加令人火滚。唔知道系咪觉得自己黄店，有唔少嘅生意，可以唔需要care quality 。如果店主睇到，只希望你哋好好咁样改善自己店嘅食物质素同埋服务，如果餐单上根本冇果样嘢食，就应该更新一下。
最后一句，黄蓝系政见，难食就系难食
张贴
