Marine Seafood Bar & More (已結業)

由于之前曾经来过呢个位食半自助餐觉得几好味，所以今日想黎试埋晚餐。但去到先发觉原来已经转咗手，系门口见到生蚝餐牌几吸引，一场黎到就试下啦。我地一行两人叫咗半打生蚝，一份小食及一只春鸡。生蚝(半打) :由于唔系好认识生蚝品种，店员推介呢款生蚝刚刚今日到，所以就拣咗韩国嘅Stella Maris M size，生蚝入口新鲜，肉身饱满，海水味唔太重，加少少柠檬汁已经好好味。炸孜然单骨鸡翼 :单骨鸡翼炸得松脆，食起黎非常方便，孜然粉令鸡翼更香口，味道唔会太咸，配上泰式辣酱，一口一件食得好过瘾。牛油焗春鸡 :春鸡即叫即焗，所以都等咗差唔多廿分钟先有得食。春鸡都几大只，最适合两个人share食。春鸡用牛油焗过后香喷喷，鸡肉够软熟，用刀轻轻一切就切得开。鸡肉嫩滑之余亦保留咗好多肉汁，虽然配有烧汁，但个人觉得唔驶点汁已经好够味。配菜有南瓜蓉，薯角，洋葱及蘑菇，轻微炒过嘅蘑菇及洋葱，食落好香口。系无预期之下试咗呢间新餐厅，都算系一个唔错嘅惊喜。