海港酒家

营业中

休息中

今日做冬，一家人去左酒楼做节。我地嗌左个套餐，正常嘅价钱，但质数同份量都几多惊喜。唔知系咪赶住做下一轮，所以啲𩠌上得几快，有时仲一次黎两样搞到冇位摆~乳肉嘅皮烧得几脆，肉同肥嘅比例算ok。翅都几粗几多，最意外系入面啲带子仔，真系好鲜甜有成3斤重嘅龙虾伊面，龙虾爽甜，好新鲜，啖啖肉而唔系得啲壳鲍鱼都冬菇都好入味，而且唔系好"un"，而啲伴菜系豆苗，份量好多！花姿螺片片得薄，食落爽口。松露百花球虽然冇乜松露味，但火候炸得啱啱好，几香口。沙巴龙趸同炸子鸡就正常酒楼味，不过不失。最后仲有蜜柑同红枣糕做作结，成餐饭食得好饱