黑布小巷 (黑布街) (已結業)

黑布小巷又系一间好多人食的小店，发觉我成日都过左热潮先食🙈🙈 但经过梗系要支持下。佢地主要做外卖，如果想堂食都系开张折枱系后巷食咁🤔-今次就试左台式肉蛋芝士吐司。真系好似大家讲的咁，食到好易泻晒出来🤣入面有一块猪扒，流心蛋同芝士。猪扒厚薄适中，咬落去可以一啖食晒所有料😋 猪扒都好腍，一定咬得开🥳 只蛋真系好流心，所以超多蛋汁，令到个toast一啲都唔干。加上芝士，有小小拉丝就更加满足。🥰 要挑剔的就系个包唔脆，唔知因为太多汁令佢即刻软定烘得唔够😢 呢到扣左小小分！-我地仲叫左个芋圆试下。佢系桂圆杞子三色圆，听到个名都好滋润😛 入口几清甜，有淡淡桂圆味，仲有几多的桂圆肉即系干的龙眼肉🤩 芋圆的质地不过不失，偏腍左啲，亦唔觉好明显的芋头紫薯番薯味，重点系佢的芋圆份量小，好多啖都系整饮个桂圆水😣 佢都要三十几蚊，所以性价比偏低。呢间小店的小食都好似唔错，但价钱偏高，经过的都可以一试，几推个吐司😎