SUIT MODERN IZAKAYA SAKE BAR

营业中

休息中

呢期系新餐牌，保留咗特色招牌菜，更新咗其他菜式，都系可以送酒嘅良菜，而且有唔少清酒、各种酒类。不过定价略高，份量唔多。*Foie Gras & Prawn chips 鹅肝虾片 $138店员教落要捞埋一齐食，我整碎啲虾片再左撩右撩强行捞埋。虾片配鹅肝、开心果，红桑子、京葱，口感好多层次，最惊喜系酸甜嘅红桑子配鹅肝好夹。Pigeon 慢煮乳鸽 $218乳鸽略为细只，脾位好嫩但又有咬口，胸位比较下会冇咁嫩口。店员推介配炸紫苏叶食，冇乜特别。最底有蓝莓酱配乳鸽，会多一种甜味，但我偏向单食乳鸽肉。Yellow chicken rice 三黄鸡饭 $298三黄鸡半只好大份，鸡胸好嫩，鸡腿更加嫩，皮脆油香，鸡肉味偏淡。上菜后淋上姜酒酱油，增加香味之余，姜配鸡肉一定夹。最底系鸡油杂菌饭，有脆卜卜煲仔饭饭焦，油腻感略重，但香味未够香。