日作食堂

营业中

休息中

一切开见到咁生咁红嘅汉堡扒完全唔够胆食，我知牛扒可以食生啲，但汉堡扒、免治牛肉经过绞肉机处理都已经有接触细菌嘅风险，如大肠杆菌、甲型肝炎、黄金葡萄球菌、霍乱弧菌等😥于是问咗店员，却话系正常的，佢地系做七成熟… 咁就唯有照食啦，汉堡扒食落去基本冇味，唔juicy，甚至有啲腥。焦糖洋葱唔错，但无法弥补整体平淡，整体口感非常单调，非常失望。另外，小菜（莲藕、青瓜）记忆点不深，尚算清新，而面豉汤味道则太淡。环境部分，校园风装潢，空间阔落，星期日午市毋须等位。加一埋单$185，观塘区而言性价比低，不会encore。IFC 挽肉与米 $138已可享三块高质素juicy汉堡扒、白饭任添，甚至有海景。个人认为环境适合早餐时段当café工作，惟用餐时间只有1小时。