炙・宴 (新城市廣場三期)

营业中

休息中

之前都食过呢间几次，今次再嚟，晚市多左啲套餐，好抵食。环境座椅舒适，够大，职员服务都几好。鸡扒丼+热乌冬，套餐仲有面豉汤、沙律、冲绳豚肉饺子、甜品蕨饼。鸡扒都几大旧，皮少少脆，肉都嫩。宫崎和牛丼+热乌冬。和牛劲油香，好滞，但好软熟。黑咖哩芝士炸鸡丼+生鸡蛋猪腩肉丼只生鸡蛋店员放错左喺鸡扒丼个餐盘度，其实系配猪腩肉丼。呢个餐系最饱因为两个都系饭，而且两个饭都有𩠌，有炸鸡同猪腩，好抵，其中一个直接打包咗做埋第二日午餐。猪腩肉唔会净系得肥，都有好多肉，嫩，唔硬。炸鸡都唔错，第一次食黑咖哩芝士都唔错，甜甜地咁。豚肉饺就比较淋，但一咬就爆晒汁。南蛮炸鸡好好食，个酱好食，鸡好大旧，好脆入面又好多汁，肉嫩唔会有筋。炸池鱼，好脆，不过偏咸芋蓉饼，估唔到咁细旧咁迷你，但好浓芋味。