影片
更多
2021-09-21
421 浏览
每逢与元朗朋友小聚，总会相约于YOHO嘅GLASS HOUSE，贪坐得舒服又无人赶。餐厅坐落于角落，虽然系室内，但半开放式嘅无盖设计既开扬又隐私度高，日间可坐出面晒晒日光，夜晚坐内里够宁静隐蔽。$448嘅二人套餐绝对能满足大胃王胃口，两款头款两碗餐汤两份主食仲包餐饮甜品，细食嘅女士可以三人点份套餐加配一份小食。某啲款式需要on top +$28-48，丰俭由人。空间大、人手略有不足，虽然等咗一阵先落到单，但上菜效率高；餐汤预先煮好，下单不久已经上枱。粟米忌廉汤入口有质感，能品尝到香甜带沙嘅粟米糜蓉；龙虾汤带浓烈嘅海水咸鲜，加上少许忌廉同橄榄油，口感更醇滑丰厚。同餐牌相片有些微出入，吞拿鱼生片变咗水浸吞拿鱼，沙律菜以简单黑醋调味，酸甜清爽，配上鸡蛋，系道营养均衡嘅前菜。同一般泰式虾饼不同，比起吉列炸更接近半煎炸，无咁油腻，虾蓉中似加咗蟹柳，食起嚟有啲带丝质感。足料芝士及五花肉片舖面，配以松露炒成嘅饭底干爽且粒粒分明；菇菌香令炒饭更轻盈，比火腿或肉粒等常见配料少咗份饱滞及油腻感。西冷非常厚身，目测有八安士，虽然筋占比多，但撇除筋位，肉质尚算嫩身；ORDER嘅RARE煎得刚刚好，唔会OVER
餐厅坐落于角落，虽然系室内，但半开放式嘅无盖设计既开扬又隐私度高，日间可坐出面晒晒日光，夜晚坐内里够宁静隐蔽。
$448嘅二人套餐绝对能满足大胃王胃口，两款头款两碗餐汤两份主食仲包餐饮甜品，细食嘅女士可以三人点份套餐加配一份小食。
某啲款式需要on top +$28-48，丰俭由人。
空间大、人手略有不足，虽然等咗一阵先落到单，但上菜效率高；
餐汤预先煮好，下单不久已经上枱。
粟米忌廉汤入口有质感，能品尝到香甜带沙嘅粟米糜蓉；
龙虾汤带浓烈嘅海水咸鲜，加上少许忌廉同橄榄油，口感更醇滑丰厚。
同餐牌相片有些微出入，吞拿鱼生片变咗水浸吞拿鱼，沙律菜以简单黑醋调味，酸甜清爽，配上鸡蛋，系道营养均衡嘅前菜。
同一般泰式虾饼不同，比起吉列炸更接近半煎炸，无咁油腻，虾蓉中似加咗蟹柳，食起嚟有啲带丝质感。
足料芝士及五花肉片舖面，配以松露炒成嘅饭底干爽且粒粒分明；
菇菌香令炒饭更轻盈，比火腿或肉粒等常见配料少咗份饱滞及油腻感。
西冷非常厚身，目测有八安士，虽然筋占比多，但撇除筋位，肉质尚算嫩身；
ORDER嘅RARE煎得刚刚好，唔会OVERCOOKED。反而所谓秘制嘅京酱咸咗啲，感觉单食会比淋酱更佳。
甜品要咗焗牛油曲奇同是日精选蛋糕各一，蛋糕好MINI，系带软滑奶油夹心嘅SPONGE CAKE，莓果口味酸酸甜甜，清甜不腻；
牛油曲奇好松脆，系近似MRS FIELD嘅美式曲奇，上面仲有啲CRUMBLE香香脆脆，加埋雪糕，邪恶得嚟又令人忍俊不及一啖接一啖。
张贴
