味香薈x羊癮起

营业中

休息中

最近土瓜湾开咗间外卖店，以客家风味为主，门外挂着一个个木牌展示食物种类，有秋冬限定嘅羊腩煲，新张优惠招牌手撕鸡半只$55-，口水鸡1只只系$70蚊，的确抵食，买几个返屋企做晚餐。秋冬羊腩饭，不时不食，秋冬季节当然要个羊腩饭，羊腩好入味炆得腍，份量几多，而且有冬菇、竹笋、枝竹同马蹄，配菜都够晒入味，而且饭𩠌分开，咁就可以多啲汁，返到屋企依然新鲜热辣辣。招牌手撕鸡本身有咸味，鸡有咬口而嫩滑，加入芝麻同酱汁，好食。咸酸菜炆猪肉，又系正宗客家菜之一，咸菜咸味适中而爽脆，猪腩肉够入味，肥瘦恰当啖啖肉香同油香送饭一流。特别一提，白饭用荷叶包住蒸煮，保持湿度仲有淡淡嘅荷叶清香。