影片
更多
2019-04-15
1335 浏览
一讲到尖沙咀诺士佛台，第一个印象就喺个啤一啤嘅地方，食友就极力推介当中嘅「寝宫」呢一家酒吧餐厅俾我。其实，小弟一向都唔多好酒，所以，酒吧就极之少去，不过，佢话就算唔饮酒，佢哋做嘅西餐绝对唔失礼，而且，定价亦相对唔贵，故此，先推介俾我。是夜，就同夏总两支公嚟「蒲」吧，查实就只喺食餐晚饭而已。餐厅藏身于商厦中层，睇门面就唔觉得啲乜，但入到去原来地方都几大，装修可以讲喺华丽十足。湖水绿嘅高脚枱櫈，衬浅灰云石餐枱，最埋边仲有几张长形梳化櫈。配套方面亦唔马虎，除有一张美式桌球枱之外（已问过侍应，毋需额外付款都可以享用），仲有飞镖机、卡拉OK房，更有啲得意墙画及千秋俾客人打卡。整体感觉予人有种高级感，唔会觉得好品流复杂，所以，越夜越多客人，更以女生占多数添。呢类餐厅始终以卖酒为主，所以，饮品都以带酒精类嘅为多，例如：鸡尾酒、香槟、红白餐酒、白兰地、威士忌、生啤、各种烈酒……等等，餐牌都以平版显示，配以得意彩绘，清晰易用之余，感觉又好睇好多。就算唔饮得酒，其实都有唔少选择，包括一系列特色咖啡、茶品及非酒精鸡尾酒，所以，唔使担心无嘢饮。文初都讲过，食友推介过呢度嘅食物，翻一转餐牌，有好多头盘小食，而且
餐厅藏身于商厦中层，睇门面就唔觉得啲乜，但入到去原来地方都几大，装修可以讲喺华丽十足。湖水绿嘅高脚枱櫈，衬浅灰云石餐枱，最埋边仲有几张长形梳化櫈。
配套方面亦唔马虎，除有一张美式桌球枱之外（已问过侍应，毋需额外付款都可以享用），仲有飞镖机、卡拉OK房，更有啲得意墙画及千秋俾客人打卡。整体感觉予人有种高级感，唔会觉得好品流复杂，所以，越夜越多客人，更以女生占多数添。
呢类餐厅始终以卖酒为主，所以，饮品都以带酒精类嘅为多，例如：鸡尾酒、香槟、红白餐酒、白兰地、威士忌、生啤、各种烈酒……等等，餐牌都以平版显示，配以得意彩绘，清晰易用之余，感觉又好睇好多。
就算唔饮得酒，其实都有唔少选择，包括一系列特色咖啡、茶品及非酒精鸡尾酒，所以，唔使担心无嘢饮。
文初都讲过，食友推介过呢度嘅食物，翻一转餐牌，有好多头盘小食，而且，单睇啲菜式名，唔喺普普通通咩鸡翼薯条、炸咖喱角之类嘢，不少喺花过心思设计嘅小食，更喺配啤友嘅良友。
而我同夏总一心只嚟食餐饭，所以，目光都喺放晌佢哋嘅精选套餐之上，估唔到足足有成11款菜式供选择，有肉眼、黑毛猪鞍、羊扒、盲𫚧鱼柳、煎鸭脾、意大利面……等等，定价由$168 - $328，正所谓丰俭由人，而套餐已包埋沙律、餐汤及餐饮。此外，更有啲小食加配优惠，好彩无加啫，因为啲主菜份量可不少喔！
顺带一提，最估唔到喺佢哋连斧头扒都有卖，散点又得，配餐都得，家价亦唔贵，尤其个餐，卖$1,480，明显喺4人份，抵食。
烟鸭胸沙律沙律菜配少少紫洋葱，淋上油醋，再搭上两片烟鸭胸，啲沙律菜新鲜爽脆，而烟鸭胸咸香柔韧，虽然简简单单，但食味不俗。
野菌忌廉汤个汤碟好特别，而餐汤喺野菌忌廉汤，做得水准唔错，唔单止质感几细滑，却又带少少菌粒，而菌香称得上够浓郁。如果啲忌廉画嘅图案靓啲、细致啲，就加分嘞。
香草芥末烧羊鞍配露丝玛莉汁 $318夏总算喺羊痴，所以，唔喺羊鞍，就喺羊扒，最后选前者觉得有睇头啲。嚟到个卖相好唔错，仲配以焗薯，以及一啲脆炸薄莲藕片、芋头片、西芹条做装饰，绝对睇得出喺用心之作。小弟都试咗佢少少烧羊鞍，啲羊嘅肉质真喺好软腍，膻味又啱啱好，以宝云酥嘅做法揾香草及芥末腌过，令味道富层次，夏总更大赞件羊鞍好掂。
香草芥末烧羊鞍配露丝玛莉汁
9 浏览
0 赞好
0 留言
法式蓝带鸡胸配什菌意粉 $198好耐以前一道菜式叫「哥顿猪」，喺将两块锤松嘅猪扒中间夹有芝士及火腿再炸香而成嘅菜式，好耐无见过喇，相信依家都无乜人整。但今晚竟然见到有异曲同工嘅「法式蓝带鸡胸」，真喺有少少惊喜架。同样外观做得唔错嘅法式蓝带鸡胸，伴有好多沙律菜、车厘茄、脆炸薄莲藕片、芋头片及垫有大量什菌意粉，所以，食得我好鬼饱。鸡胸炸得外层香脆，鸡胸肉亦唔觉嚡，反而，内里唔喺跟传统酿入芝士及火腿，而喺什菌，更伴有自家调嘅黑松露酱汁，的确好食。
法式蓝带鸡胸配什菌意粉
13 浏览
0 赞好
0 留言
热咖啡、冻柠茶餐饮本来想试吓转啲特色咖啡，不过，店员话无优惠，要用番正价，当然乖乖哋拣番一般即磨咖啡啦，难得啲豆嘅质素唔差，冲出嚟嘅咖啡带果仁香；友人杯冻柠茶亦摆得靓仔啲，茶底色深味香。
果然，食友无介绍错，呢度做嘅西餐确喺用心，而且，服务都好周到。就好似佢哋明知地方所限，啲餐枱细细张，就唔会一次过上晒啲菜式，而喺慢慢逐样上，让人感觉称心。
张贴
