影片
更多
2017-08-04
283 浏览
今晚同屈小姐去食想食好耐既《乐天皇朝》，皆因我俩都爱好小笼包，而《乐天皇朝》就正正出名食小笼包，仲要系8色小笼包！所以我地今日就黎会一会佢今次我地黎到《乐天皇朝》既新店 - 青衣城，一落地铁，赖生就急急脚走去拎位啦，事关呢度好多人排队嫁，而赖生都尝试过打去book位先，不过原来要6个人以上先可以落Booking，咁只好早D排队拎位啦！一如赖生所料，黎到既时候已经有人龙出现，好彩既系间舖真系超大，仲专登整左个等候区比人坐住等，仲要系梳化位黎⋯都咪话唔贴心！赖生问左店员拎左号码飞后，要等5张枱，3个字左右就入得啦！店员带位之后，你会发现枱面已经早已准备一壶茶（每位茶钱$7）及一碟小食 - 花生焗栗子（$15蚊），赖生同屈小姐都唔好花生，而且卖相唔吸引，精明既屈小姐就话试下问下可唔可以唔要，答案系得嫁！会唔收小食钱既，精明既你地，识拣啦？其实事前赖生同屈小姐已经睇左Openrice 做定功课谂好晒食咩，但审视完餐牌之后，发现我地原本想食既蟹粉豆腐同黄鱼汤拉面都冇供应，我地只好选择其他代替品：1）皇朝小笼包：5⭐️又名8色小笼包，有8只口味，有原味、人参、鹅肝、黑松露、芝士、蟹粉，蒜香同麻辣！1
今次我地黎到《乐天皇朝》既新店 - 青衣城，一落地铁，赖生就急急脚走去拎位啦，事关呢度好多人排队嫁，而赖生都尝试过打去book位先，不过原来要6个人以上先可以落Booking，咁只好早D排队拎位啦！
一如赖生所料，黎到既时候已经有人龙出现，好彩既系间舖真系超大，仲专登整左个等候区比人坐住等，仲要系梳化位黎⋯都咪话唔贴心！赖生问左店员拎左号码飞后，要等5张枱，3个字左右就入得啦！
店员带位之后，你会发现枱面已经早已准备一壶茶（每位茶钱$7）及一碟小食 - 花生焗栗子（$15蚊），赖生同屈小姐都唔好花生，而且卖相唔吸引，精明既屈小姐就话试下问下可唔可以唔要，答案系得嫁！会唔收小食钱既，精明既你地，识拣啦？
其实事前赖生同屈小姐已经睇左Openrice 做定功课谂好晒食咩，但审视完餐牌之后，发现我地原本想食既蟹粉豆腐同黄鱼汤拉面都冇供应，我地只好选择其他代替品：
皇朝小笼包
$98
28 浏览
0 赞好
0 留言
又名8色小笼包，有8只口味，有原味、人参、鹅肝、黑松露、芝士、蟹粉，蒜香同麻辣！1人1笼1次过试晒8种，粒粒都皮薄馅靓多汁（不过要小心夹呀⋯因住穿），真系冇得弹 加上有贴心提示你食小笼包既方法同8只色既次序，只要系听话既小朋友，就能品尝真正既美味
首先系赖生&屈小姐共同推介：
鹅肝（啡色）： 5⭐️，味道同小笼包好夹，完全混和，鹅肝味浓，又不影响肉汁既鲜味！真心正
屈小姐私心推介：
黑松露（黑色）：4⭐️，入口后，黑松露味一拥而上，大约嘴嚼2-3秒后，一阵浓浓既冬菇味就侵袭味蕾，盖过黑松露味（如果净黑松露应该更佳）
赖先生私心推介：
蒜香（灰色）：4.5⭐️，只可以话系赖生钟意既口味，蒜香四溢，加上蒜香同鲜甜既肉汁混合后，格外鲜香又带阵阵蒜味，唔错唔错！
麻辣（红色）：4⭐️，又系重口味既赖生喜好之一，入口后，先品尝到汤汁既鲜肉味，约于2-3秒后，辣味随住肉汁既鲜甜味进攻，麻味最后才收尾，假若麻辣味更出会更为特别及惊喜！
其他口味推介：
原味（白色）：4.5⭐️，肉汁鲜甜，配以2-3条姜及数滴醋，风味更是一绝，系上佳既小笼包出品！
芝士（黄色）：3.5⭐️，咬落去既时候，初初唔觉芝士味，但同你咬深D咬入D，你就会Feel到块芝士系你口腔内拉丝及爆发，芝士味爆出，不过芝士味唔太重(应该系选用既芝士种类问题)，而且同小笼包既鲜味好似唔太夹，但胜在够玩味
蟹粉（橙色）：4.5⭐️，蟹粉配小笼包本来就系一个绝配，只要蟹粉味出，就令小笼包生色不少！《乐天皇朝》的确做得到，只系未能带来震撼般的蟹粉味道！不过仍是上佳之作
人参（绿色）：3.5⭐️，人参味，一入口即时食得出，但浮现约1秒后就石沉大海，只令小笼包带一点点甘甜。但原来人参既甘苦味系会最后停留系你舌头上面，系你食晒个小笼包之后，就偷偷地走番出黎，最好饮啖茶冲一冲先试其他味！
李白醉鸡（鸡脾）
$88
16 浏览
0 赞好
0 留言
岩岩上碟既时候，屈小姐同赖生都不其然问左个问题：点解只鸡脾成个波咁既？但原来真系鸡脾黎嫁，佢斩到好似波咁咋个Size系一旧一两啖，鸡壳块骨亦斩开左，起左肉，方便食
而呢碟醉鸡系我地食过整体数一数二既醉鸡，D鸡肉劲滑啦，上面果层就带皮，但皮下又系冇乜脂肪既，所以连屈小姐都放心食，而下层既多数系净肉为主。上层鸡肉够滑，连皮食令整件鸡更顺滑，而酒味好恰当，令整件鸡都带酒香而不会太重酒味/咸味，更加将鸡肉味逼晒出黎，爆重鸡味！而下层净肉既鸡件D肉较实净，但鸡味仲更浓，吸收既酒香更重，不得了
担担面
$58
28 浏览
0 赞好
0 留言
3）担担面：5⭐️
呢碗担担面，闻起上黎好香花生味，拌匀之后都好香，而且个拉面浸左好耐都唔淋嫁正！ 当食落口之后，个汤就带少少花生味同花生香，但辣味好劲，一涌而上！如果唔食得辣，唔好乱试呀（屈小姐究竟进行左点既修练呢？突然系食辣方面进步得咁快既⋯）
蟹粉炒饭
$118
42 浏览
0 赞好
0 留言
中左大伏啦成$118一碟，份量还可以既，但食到既唔系想像般既蟹粉鲜味，而且重重既咸味，落盐太重手啦⋯⋯，令个面个汁太咸，遮左8成蟹鲜味，除却咸味，蟹味得番少少。
唯一处理方法系：食下面既蟹肉丝炒饭走汁，都尚算品尝到炒蟹肉既美味既，但就唔值$118啦，因为佢既蟹肉丝，系真系一条条头发咁幼既丝，虽然炒左有少少脆口感，但真系CP值严重不足。（屈小姐直情咸到食唔到）
宫廷驴打滚
$35
35 浏览
0 赞好
0 留言
一定一定一定要叫呢样食！要留肚留个位比佢！呢个堪称赖生食过最好食既中式甜品，同时名列系屈小姐食过既中式甜品第2位！同埋店员好细心，比过一套新碟同叉我地食
驴打滚系指: 白糯米卷卷住红豆蓉，再系黄豆粉上面滚，令外层沾满一层黄豆粉！个米卷米香十足，仲要劲烟韧，好似食紧小丸子果只既烟韧程度(仲要好食D添)，而适量既红豆蓉令个米卷附带微甜，好正！个红豆蓉亦令人惊叹，起沙嫁！而且唔会太甜，好香红豆天然既豆味同甜味，好得！
而外面果层黄豆粉，唔甜既，但香，真心超正！系今晚最出色既一道菜！
总括而言，《乐天皇朝》既出品普遍都高水准，小笼包的确系出色，皮薄馅靓同爆汁，而每款味道都整得好细腻，除左外貌有分别外，味道同样一食就分得出！ 个驴打滚食左更加好味到令人企唔稳
之不过⋯实在有点小贵，埋单成56x，如果有个8折会贴近现实D。
#LuckyUs
#小心翼翼食小笼包
#穿左都唔驶怕既，都好好味
#有宠我的你真好
#必食驴打滚
#食甜品既幸福样子
张贴
