影片
更多
2014-10-08
7289 浏览
有时一大班人同枱食饭，要食得开心愉快，又或够尽庆，唔单止嘢食好，仲要睇吓喺咩饭脚。同班死佬朋友，天南地北乜都讲；同班食友，就交换吓饮食情报，以及研究吓菜式、味道；同班亲友，彼此关心，寒暄问暖；唯一最怕，就代公司出席友好晚宴，同枱个个三唔识七，唔知有咩好讲。今晚，可以食得逍遥自在，皆因一枱都喺相熟朋友 ！深宵食堂位处铜锣湾商厦，一出电梯就见，以「食堂」为名，总有种小店嘅感觉。果然，铺内唔大，大概廿多个座位左右，既横又直嘅条木作为墙身木板，配深啡皮梳化，有份暖和而朴实嘅味道 。餐厅一角墙上嘅书架，放置一列安倍夜郎创作嘅日本漫画「深夜食堂」，大抵你明白点解店主会将店名改为深宵食堂吧。睇嚟店主喺个喜欢日本漫画之人，因为除深夜食堂，仲发现有其他漫画。细看餐牌，食物大致分为主食、烧物、炸物、一品料理、蔬菜、小食及另一张点菜纸嘅甜点及饮品等。墙上挂有一小块黑板，写住好几款深宵推介。先分享一下小食类，因为都喺一啲细细份，或者用作开开胃嘅前菜。 辣味花螺 $58 螺肉颇为爽口，味道鲜辣，辣得嚟唔会太呛，食起嚟几醒神。 芥茉八爪鱼 $48 虽则混入芥茉，但辣度中等，唔会太攻鼻，而八爪鱼几鲜爽
深宵食堂位处铜锣湾商厦，一出电梯就见，以「食堂」为名，总有种小店嘅感觉。果然，铺内唔大，大概廿多个座位左右，既横又直嘅条木作为墙身木板，配深啡皮梳化，有份暖和而朴实嘅味道 。
餐厅一角墙上嘅书架，放置一列安倍夜郎创作嘅日本漫画「深夜食堂」，大抵你明白点解店主会将店名改为深宵食堂吧。睇嚟店主喺个喜欢日本漫画之人，因为除深夜食堂，仲发现有其他漫画。
细看餐牌，食物大致分为主食、烧物、炸物、一品料理、蔬菜、小食及另一张点菜纸嘅甜点及饮品等。墙上挂有一小块黑板，写住好几款深宵推介。
先分享一下小食类，因为都喺一啲细细份，或者用作开开胃嘅前菜。辣味花螺 $58
螺肉颇为爽口，味道鲜辣，辣得嚟唔会太呛，食起嚟几醒神。
芥茉八爪鱼 $48 虽则混入芥茉，但辣度中等，唔会太攻鼻，而八爪鱼几鲜爽，口感带烟韧。
蟹肉沙律 $48沙律菜、车厘茄、少许蟹肉、胡麻汁，几典型嘅西日菜式。原来仲加咗黑醋汁，更酸香醒胃，为之后一串接一串嘅烧物作个清新开始。
胡麻蕃茄 $48 唔使多讲，好多串烧店都以此道菜式作为冷盘前菜，鲜红清甜嘅蕃茄配浓郁胡麻汁，简单好味。
跟住想介绍烧物，上菜次序当然唔会逐个类别上啦，不过，等大家易于理解，所以，就想每个类别归纳一齐，再逐样分享。黑豚露笋卷 $28
听店长介绍，佢哋好都食材都喺晌附近街市入货，务求拣手新鲜。就好似露笋，就喺晌附近买嘅街市货，眼前嘅黑豚露笋卷喺4客嘅份量，露笋质感纤细，爽脆无渣，黑豚肉既薄又富油香。
鸡泡鱼干 $78质感好似食啲肉干咁，软软哋身，又烧得有少少焦香，都颇惹味。
一口牛 $68 / 两串 一口牛应该取自牛柳位置，咬落软腍，又香又够肉味，$68有两串，其实都几抵食。
汁烧白鳝 $78 / 串 个人觉得喺必食推介，因为白鳝烧得皮脆，鳝肉爽口弹牙，油润又有点点蜜糖香。
烟肉荔枝卷 $32 / 串 另一个推介喺依款烟肉荔枝卷，烟肉一向被人觉得好肥好腻，但夹埋荔枝肉，一啲无油腻感，食落多咗份清甜。
讲完啲串烧肉类，又讲讲串烧菜类，前后分别试咗两款：茄子及秋葵。川式茄子 $68
一大条茄子开边烧，卖相好有霸气。茄子加咗唔少蒜粒、孜然粉，所以香气四溢，而且，烧得恰到好处，唔会「干争争」，唯一少少美中不足喺有轻微过咸啫。
烧秋葵 $22 / 4条极之简单嘅盐烧做法，烧完下盐再加啲木鱼碎就完喇。秋葵属好有益嘅蔬菜，口感带黏黏潺潺，所以，未必人人喜欢。
日式一口鸡 $42 好几款烧物都做得唔错，炸物又如何呢？日式一口鸡，鸡肉嘅大细做到一啖一粒，方便入口，外皮酥香甘脆，鸡肉嫩滑度亦唔差，个人喜欢唧啲柠汁嚟提味多过沾沙律酱。
餐牌上有好几款一品料理，算当喺烧物、炸物以外嘅类别。芝士蟹肉玉子烧 $62
未见过咁大嚿玉子烧，加埋以蕃茄酱唧成个「深」字，感觉好可爱。最估唔到，件玉子烧做到咁大嚿都仲几柔滑，内里喺流心芝士，不过，蟹肉似乎下得唔多。
临讲啲饱肚嘅饭面主食之前，想分享一下佢哋嘅「深宵推介」，主要喺一啲较特别嘅菜式，或较时令嘅食材所做，一般供应都不定时。矶煮鲍鱼 $98 / 只
睇卖相已经相当吸引，鲍鱼摆得精美，最窝心喺鲍鱼已经切成小粒，方便食用。虽然师傅话主要食个汁，但啲鲍鱼柔韧有嚼劲，细嚼下慢慢渗出鲍鱼本味；此外，伴碟嘅萝卜腌煮过，软腍清甜，同样精彩。
烧北极深海鲈鱼 $198 / 件 深海鲈鱼厚切扒烧，烧得金黄好睇，而肉质细滑，鱼油丰腴，入口甘香鲜甜，甚有质素。因为喺野生货式，所以著实唔平，而来货又唔稳定，师傅话试卖一、两水，睇吓食客反应先再考虑入唔入货，所以，今晚遇到都实属走运。但始终价格颇贵，或许会影响销情。
鹅肝什菌石窝饭 $108 食串烧志在过口瘾，一般都较难食到饱，所以顶肚嘅饭面喺时候出场。先嚟个石窝饭，一大片鹅肝，加埋什菌，睇样已经叫人流口水，食依个饭要将鹅肝压碎，跟其他食材与饭粒捞匀。入口不单饭粒分明，而且，油润甘香，非常惹味，又喺小弟心水之选。
猫饭 $26见个名好有趣就好想知佢底世，原来喺白饭加木鱼碎，事后被告知原来喺漫画深夜食堂里出现过嘅一个菜式。
习惯性，以甜点作为一餐嘅完结，虽然唔喺必然，但唔食又总喺有少少若有所失嘅感觉，哈哈！甜蜜蜜 $48
甜蜜蜜真喺用上两个「蜜」：蜜糖及麦芽糖，配以冰冻蜜瓜，不过，麦芽糖凝固咗，好影响个口感，补充多句，相中依个喺两份嚟，咪以为$48有咁大碟呀！
冰烧菠萝 $48 / 两串 串烧生果中，烧菠萝真喺开正我𠮶瓣，菠萝烧过之后，甜味更浓缩，加上新鲜菠萝嘅清甜，少许蜜糖嘅蜜香，真喺次次食都觉得好味。
朱古力烧蕉 $38原条香蕉开边略烧，之后再雪，再搽上朱古力浆做成脆皮，但感觉未达效果，况且，$38食一只「烧蕉」应该点计都唔多划算。
晚上嚟散叫消费真喺几高，所以，如果晌附近返工嘅朋友不妨考虑吓午市嚟食个晏仔，午餐定食都只不过$52-$66，已奉送前菜、味噌汤及饮品；而且，午市竟然都有供应鹅肝什菌石窝饭（非定食），仲只卖$88添 。
正如文初所讲，跟相熟朋友食一餐，谈天又说地，轻松自在，当然，想嚟依个小「食堂」就唔使「深宵」先嚟，不过，越夜越人多。
张贴
