富臨皇宮 (已結業)

临时话要返屋企食饭，唔想妈咪咁麻烦又要再外出买𩠌再准备，于是便选择了屋企楼下的富临皇宫。选择又多，而且又成日都有新菜式就优惠。好少晚饭黎食，原来都几多人，爸妈已经早就攞左位坐住等。金装拼盘都好丰富，有炸豆腐，炸腐皮卷，烟鸭胸同烧腩仔。烟鸭胸同烧腩仔系爸爸最爱，用黎送酒一流。我个人就比较钟意炸腐皮，最有惊喜系估唔到炸到外层香脆，里面的腐皮依然可以好滑好香豆味。生煎菜肉包($38/6只)因为唔想点饭或面类，于是便点了生煎包比较饱肚。每只生煎包都好饱满，两边都炸到脆口金黄色，都唔算油，加上芝麻系面，咬落都几香口。馅料都满是肉汁好香，猪肉都调味好好，连埋无咩味道的包一齐食都几吸引。泰皇虾球通菜($78)不论通菜还是虾球，份量都几多。但虾球食落唔算好新鲜，不过加左惹味的蒜头和酱料炒香，食落仲好有镬气。菠萝生炒骨($68)生炒骨最怕就系酱汁调到会刺喉咙，这个生炒骨酱汁调味都几好，酸甜味都好平均。生炒骨先炸到香层香脆，咬落啖啖肉。花胶北菇玉掌煲($108)好丰富豪华的一个煲，又花胶又北菇又鹅掌，仲要都唔系细细只的，每样都好厚身。鹅掌好滑，北菇好厚身但好入味，系花胶有点唔够淋，有几部份都比较硬。