串爆里居酒屋 (已結業)

家人生日去食饭，因为之前朋友话呢间野几好食，所以我地订左台一行４人去食生日饭。入场唔洗再等真好!开头见到个餐牌好似无咩特别咁，所以就是但叫左个烧芝士年糕、鸡翼串、枝豆和芥末八爪鱼等试下先啦。枝豆　—　热热的，有Ｄ咸味的。好食之后再来芥末八爪鱼　—　用紫菜包住一起食。食到有日本酒的味道，又有芥末香味。我太太好喜欢呢个食物！烧芝士年糕　—　一定要讲句　＂好好食＂、＂好好食＂、＂好好食＂　（讲左３次啦，系香港人都一定明啦）原条鳗鱼饭　—　系贵左小小，不过我都推荐大家食下。鳗鱼肉好食、个汁捞饭真系冇野好讲！荔枝烟肉卷　—　送酒小食一流。其他既都好食。环境舒服，店员服务有礼。