影片
更多
2022-05-22
84 浏览
呢间饺子店喺我嘅饮食名单上面好耐，之前经过两次，外边好多人排队所以最后放弃咗，今日特登早啲去到，大概5:30左右，虽然避开左平时多人嘅时间但系已经差唔多枱枱都full，好彩等咗一两分钟就有位。入到去感觉到系一家人经营嘅餐厅，装修唔算好豪华，但系胜在人情味搭救，喺我哋枱后面就已经见到有人默默包饺子，楼面都态度好亲切！Menu选择集中，通常嚟到嘅都系叫饺子，另外仲有粉面同饭，不过我见差唔多每一台都系叫饺子同埋佢哋最出名嘅芝士蛋糕。饺子口味有八款，我地叫左: —-煎饺 $42 + $2双拼: 韭菜猪肉饺+ 香菇粟米鸡肉饺煎饺等咗大概5-6分钟就有，两边煎得金黄色，靓仔之余唔会食落去太油腻，皮薄不特止，入边嘅肉质都保留左鲜味，每一啖都有肉汁，韭菜猪肉饺好香，香菇粟米饺嘅粟米都好甜！—-汤饺$38 + $2 双拼: 洋葱猪肉饺+ 菠菜猪肉饺汤饺嘅汤底系自家煲嘅粉葛赤小豆汤，今日有幸撞到老板，所以问吓汤底会唔会成日转，佢就话为咗师傅嘅方便，而家就固定左。完全饮得出系自家煲嘅，完全冇味精，我成碗饮晒添！洋葱猪肉饺有惊喜，本身唔钟意食洋葱，但系我食得到洋葱嘅甜味，配上猪肉做汤饺又几正㖞！波菜同样都系好
入到去感觉到系一家人经营嘅餐厅，装修唔算好豪华，但系胜在人情味搭救，喺我哋枱后面就已经见到有人默默包饺子，楼面都态度好亲切！Menu选择集中，通常嚟到嘅都系叫饺子，另外仲有粉面同饭，不过我见差唔多每一台都系叫饺子同埋佢哋最出名嘅芝士蛋糕。
饺子口味有八款，我地叫左:
—-煎饺 $42 + $2双拼: 韭菜猪肉饺+ 香菇粟米鸡肉饺
煎饺等咗大概5-6分钟就有，两边煎得金黄色，靓仔之余唔会食落去太油腻，皮薄不特止，入边嘅肉质都保留左鲜味，每一啖都有肉汁，韭菜猪肉饺好香，香菇粟米饺嘅粟米都好甜！
—-汤饺$38 + $2 双拼: 洋葱猪肉饺+ 菠菜猪肉饺
汤饺嘅汤底系自家煲嘅粉葛赤小豆汤，今日有幸撞到老板，所以问吓汤底会唔会成日转，佢就话为咗师傅嘅方便，而家就固定左。完全饮得出系自家煲嘅，完全冇味精，我成碗饮晒添！洋葱猪肉饺有惊喜，本身唔钟意食洋葱，但系我食得到洋葱嘅甜味，配上猪肉做汤饺又几正㖞！波菜同样都系好足料，每食一啖都有好多猪肉同埋菠菜，绝对唔马虎。
—小食叫咗炸鸡翼$27 四只同豆浆$10
鸡翼炸得好透但食落唔会干身而且都入味，咸咸地，好快就俾我哋KO左。豆浆唔系岀面死甜。
—原味芝士蛋糕同埋开心果味芝士蛋糕
每日有两款供应，除咗原味之外，有一款特别口味，今日就系开心果啦。本身我哋食咗原味先，好滑好creamy，已经觉得呢个价钱抵啲个蛋糕绰绰有余。食开心果第一个感觉系入口之后个味道系涌出来嘅，估唔到可以咁浓，而且真系好滑！自己觉得开心果味仲较为岀色！
总结：家庭式经营，饺子做到皮薄馅靓，芝士蛋糕亦都有惊喜。如果要黎嘅要早少少，我哋食完之后大概6:15左右，出边门口已经有十几个人等紧。除咗系排队之余，都系为咗食个芝士蛋糕，因为我哋落单嘅时候系仲未有芝士蛋糕嘅，系食到最尾𠮶阵老板一放啲蛋糕出嚟，已经差唔多每枱要为左个蛋糕加单！
张贴
