陶源酒家

营业中

休息中

帮妈咪庆生！好开心细佬订到间梗房！非常阔落豪华嘅房！三个细路有张大梳化当游乐场！仲叫侍应开张麻雀枱比佢哋当积木玩！六点几到！叫三个小食垫胃！海蜇鸭舌、烧腩仔、蓝莓酱鲜淮山，三样都好味！尤其系个淮山！无念过可以用蓝莓酱！味道又夹！似系西式甜点！人齐然后到订咗嘅菜，先来前菜六小碟：海蜇、鸡爪、青瓜、云耳、素鹅（即腐皮卷）同鸭胸全部都好味！酸酸地！天气热，食啲凉拌菜好开胃！然后上炖汤！今晚系「金银花炖白肺」好清好滋润！仲有鸡爪可以加𩠌！主菜有：带子珊瑚蚌炒西芹：带子大大粒！无雪味！珊瑚蚌爽口！西芹无筋爽口！正！名门雪影虾球：即系炸雀巢，入面放件菠萝同虾球！加沙律酱！小朋友一定钟意！虾球好爽！又大只！我就觉得太多沙律酱蒸花尾趸：新鲜无煎过笼！全条清晒！蒜香炸子鸡：皮脆肉嫩！正蛋白瑶柱炒饭：正常上汤云吞：正常甜品有：大寿包：莲蓉好滑！配埋全个蛋黄！蛋黄出晒油！好正！生果盘：新鲜！木瓜雪耳糖水味道正常！唔会过甜！而且木瓜挖成球状！浮响度好靓！因为女士小孩多！所以只系叫六个菜！份量刚好又唔使打包！侍应服务好好！由到场至走都好殷勤！勘茶换碟！三只马骝都好开心！人未齐叫前菜又比我们在大梳化食！好像hig