海港酒家

营业中

休息中

通关后有亲戚喺国内嚟香港玩几日，为咗方便年纪最大嘅长辈，佢哋拣咗新都城嘅海港食晚饭。我哋拣咗$3880套餐，另外点咗几个饭，龙虾大只啲，埋单四千六百几，食物味道唔错，都几大碟。花胶螺头炖爵士汤，个炖汤好多料。鸿运脆皮奶猪全体，好脆，唔会太细只。上汤焗龙虾身伊面底，加咗钱转大只啲，都好多肉。日式盐烧龙虾头爪。西兰花炒带子珊瑚蚌。茶果子百花球转咗荔枝虾球，用虾球造成荔枝卖相，好特别。金华蝴蝶蒸龙趸斑，唔记条鱼有冇加钱转大条啲，都好新鲜，仲有啲配料一齐蒸。原只鲍鱼扣鹅掌。上汤杞子浸菜苗。欢乐大蟠桃，有两种味，一种系奶黄定唔知蕃薯，一种系好似系芋茸，食咗奶黄𠮶个好难食，无味。