影片
更多
2020-12-15
363 浏览
第四波疫情来临前，难得同老公去二人世界，呢排食得太多西餐，想转转口味食中餐，拣咗金公馆，果然冇令我哋失望。餐厅嘅布置好有中国特色，位置宽敞，坐得舒服，喺疫情底下都食得特别放心。我哋叫咗个二人套餐，我最钟意个杏汁白肺汤，啱晒冬天饮，又滋润又足料，不过呢个汤会限量供应，我哋好好彩系最后两个。除咗个汤，我另一个好钟意嘅就系北京填鸭，二人餐只系包括半只，不过份量好大份，好够食。鸭肉香脆，馅皮新鲜热辣辣。老公就好钟意个香葱鸡蛋豆干粒和味菜豉汁炒猪青肉，两个𩠌都非常惹味，火候十足，睇得出厨师嘅功力非凡。蔬菜方面，个云耳炒胜瓜都相当出色，健康清淡，可以消减油腻嘅感觉。二人餐仲送埋甜品，甜品系桂花杞子糕，唔会太甜，又有阵阵桂花嘅香味，令人齿颊留香。下次会带埋屋企人一齐嚟食，咁就可以试到多啲唔同款式嘅小菜，呢度都系一个家庭聚会嘅好去处。
我哋叫咗个二人套餐，我最钟意个杏汁白肺汤，啱晒冬天饮，又滋润又足料，不过呢个汤会限量供应，我哋好好彩系最后两个。
除咗个汤，我另一个好钟意嘅就系北京填鸭，二人餐只系包括半只，不过份量好大份，好够食。鸭肉香脆，馅皮新鲜热辣辣。
老公就好钟意个香葱鸡蛋豆干粒和味菜豉汁炒猪青肉，两个𩠌都非常惹味，火候十足，睇得出厨师嘅功力非凡。
蔬菜方面，个云耳炒胜瓜都相当出色，健康清淡，可以消减油腻嘅感觉。
二人餐仲送埋甜品，甜品系桂花杞子糕，唔会太甜，又有阵阵桂花嘅香味，令人齿颊留香。
下次会带埋屋企人一齐嚟食，咁就可以试到多啲唔同款式嘅小菜，呢度都系一个家庭聚会嘅好去处。
张贴
