劉老太手工餃子

营业中

休息中

意想不到嘅惊喜，本以为同其他餐厅一样系好食嘅汤饺加味精调配嘅汤底，完全冇谂过饺子好食之余，𠮶汤底好清甜，系老火汤。企系门口，已经有𠮶姐姐好热情咁招呼，见住我拎住劲多野，即刻带领我去卡位。并且主动问我系咪第一次黎食，我答系之后，佢即刻好用心咁介绍佢哋嘅餐单。我嗌左甘笋粟米豚肉饺+白菜豚肉饺，配上虫草花鸡汤，同埋额外加钱要咗个粉丝底。饺子同屋企手包饺子一样，味道唔会过份地咸，好食到我有啲后悔冇嗌够8只，最震惊我系𠮶汤底。汤底颜色浓郁奶白，唔清澈，一睇就知系煲咗好耐，正宗嘅老火汤。一饮落去，直情饮得出，同出面其他餐厅，写住老火汤，实质系味精滚汤唔同。呢间餐厅嘅老火汤饮落去清甜，粟米味好出，啲料已经煲到好淋，粟米一咬就散。简直就似系屋企饮𠮶啲，阿妈煲嘅老火汤。试完呢次，我绝对会带朋友黎食多次。可惜，我冇试到呢度既小食，下次再嚟一定会嗌。呢间餐厅除咗提供现金支付，亦可以比alipay，啱晒我呢啲带好少现金嘅后生女去食。虽然呢度舖位好细，但整体而言，我拎住咁多野，都觉得坐得舒服既。