素食新一代 (已結業)

最近食得肉太多，想食得清清地，同事话原来公司附近有间斋铺好味得来又唔贵，咁我就即管去试吓啦。店舖好细，坐低左都系唔好郁嚟郁去，如果唔系一定会撞跌野。全间店只可以坐大约10个人，喺午饭时间全场满座，我都要等左一阵先可以有个位坐下今日我叫咗一个呢啲套餐，每样𩠌都会有少少，仲有汤，而且可以选择食饭或者食粥，唔够嘅可以无限加，总之食到你饱为止。店舖虽小但五脏俱全𩠌嘅种类好多而且都好丰富，最重要嘅系有一种家常小菜嘅味道，以食斋来讲真系煮得好好味，最重要嘅系佢唔会煮到好油，而且唔多味精，食完吾会好口渴。而且套餐嘅品种日日都会唔同，好有新鲜感真系一餐好健康嘅素食。