富臨漁港囍臨門酒家 (已結業)

呢排大家都喺度研究紧有咩晚市外卖最抵食，就俾我哋发现长沙湾广场富临渔港喜临门酒家推出咗好抵食嘅晚市套餐。呢个套餐系喺佢哋嘅网页( https://cutt.ly/NIfEts6 )落单，四位用套餐只需要$238，同事食过话质素都唔曳，今日就轮到我自己试吓。上网落单，拣埋指定提取时间，嚟到即刻有得拎，真系够晒方便。古法羊腩煲入面除咗有羊肉，仲有冬菇、马蹄、枝竹等，朔晒啲汁好好味。金银蒜蒸龙趸件上面仲有大量葱花，鱼肉够滑，金银蒜配葱花够晒香。上汤野菌泡菜苗份量丰富，里面有杂菜同菇菌，我觉得个份量同堂食小菜冇乜分别，绝对足够四个人食。沙姜猪手系一个冷盘，猪手够爽口，个汁酸酸味味，我最钟意佢有大量嘅花生同埋芫荽，非常惹味。腊味糯米饭每粒饭都咁分明，入面有腊肠同虾米，仲有我最钟意嘅脆花生，味道亦唔错。呢个餐嘅性价比真心讲，真系好抵食，富临仲有其他四人餐同六人餐，下次可以试吓其他套餐先。