新東記火鍋店 (已搬遷) 新店位置

香港人一年四季都打边炉已经唔系新闻，新东记系我同班同事最爱之一，因为食物质素有保证。人未黎整先整番个龙虾同象拔蚌刺身食下先，龙虾好鲜，豉油都唔洗点食佢既甜味。象拔蚌就够晒爽口，加少少WASABI吊味，作为前菜真系冇得输。另外必点之选系醉鸡，酒香够浓，由皮到骨都系花雕香，而且鸡肉滑嫩，就算渌耐少少都冇问题。一入新东记就会见到个牛肉档，就知道佢既牛肉系招牌野啦。叫左碟牛颈脊，见到雪花纹真系未食都知道好，轻轻渌一下，放入口已经感受到D油花系脷上面溶，满口牛香，不得了。