影片
更多
2014-05-26
835 浏览
因为去咗外国住咗几个月，所以好挂住香港嘅大排档式烹调嘅海鲜只系番咗香港几日就已经忍唔住，今晚特登约咗几位识食嘅旧同事聚旧食饭即使八、九点已经特登过去，留咗「十点半四位」，去到都系要等好在一早已经留咗蛏子，否则连食都无得食～（十点过去见到已经无哂！）我个人最～～爱食九肚鱼，所以每次食饭都会叫椒盐九肚鱼！驹记嘅椒盐九肚鱼真系值得一赞！除咗最基本嘅新鲜之外，个皮唔系一团粉、外脆内软都做得好好～～ （虽然你可能会话「九肚鱼点会唔软？」但系佢真系做到，令我觉得软滑得好完美嘅感觉～）下一碟出场嘅就系白灼东风螺！螺肉嘅生熟刚刚好，鲜甜而且肉厚，绝对值得一试！之后就系豉椒炒蛏子，等咗成晚就系为咗食佢！呢间店最好嘅就系价钱唔贵、份量又多～～（呢个系例牌＄９８）所以，蛏子都唔例外，份量一啲都唔ＨＥＡ！而且真心欣赏佢唔会好似某啲店咁成碟壳或者配菜（椒）所以即使四个好大食嘅人食，每个人食嘅量都唔会少～豉椒好香，但唔会太浓而遮盖咗蛏子原有嘅鲜味 赞！！再点食都要叫碟菜～尤其我哋呢啲为食鬼～～所以都叫咗碟椒丝腐乳通菜，普通＆稳阵嘢，无咩特别，唔讲咁多～～朋友话叫嘅炸猪大肠呢店嘅大肠够哂肥美，炸得亦够脆皮～不
只系番咗香港几日就已经忍唔住，今晚特登约咗几位识食嘅旧同事聚旧食饭
即使八、九点已经特登过去，留咗「十点半四位」，去到都系要等
好在一早已经留咗蛏子，否则连食都无得食～（十点过去见到已经无哂！）
我个人最～～爱食九肚鱼，所以每次食饭都会叫椒盐九肚鱼！驹记嘅椒盐九肚鱼真系值得一赞！
除咗最基本嘅新鲜之外，个皮唔系一团粉、外脆内软都做得好好～～
（虽然你可能会话「九肚鱼点会唔软？」但系佢真系做到，令我觉得软滑得好完美嘅感觉～）
下一碟出场嘅就系白灼东风螺！螺肉嘅生熟刚刚好，鲜甜而且肉厚，绝对值得一试！
之后就系豉椒炒蛏子，等咗成晚就系为咗食佢！呢间店最好嘅就系价钱唔贵、份量又多～～（呢个系例牌＄９８）
所以，蛏子都唔例外，份量一啲都唔ＨＥＡ！
而且真心欣赏佢唔会好似某啲店咁成碟壳或者配菜（椒）
所以即使四个好大食嘅人食，每个人食嘅量都唔会少～
豉椒好香，但唔会太浓而遮盖咗蛏子原有嘅鲜味 赞！！
再点食都要叫碟菜～尤其我哋呢啲为食鬼～～所以都叫咗碟椒丝腐乳通菜，普通＆稳阵嘢，无咩特别，唔讲咁多～～
朋友话叫嘅炸猪大肠呢店嘅大肠够哂肥美，炸得亦够脆皮～
不过你知啦～～炸嘢，你唔一下子食哂嘅话，转头就会无咁好食....
你睇佢个样？唔讲嘅话可能会以为系半只炸子鸡！大份到呢....
呢个真系叫得过！又一真心推介～～芝心墨鱼丸～～ 望个样都知，一啲都唔觉得油腻！！但系又炸得好鬼香脆㖞～～
个人认为佢系暂时食过最好嘅「芝心丸」～～粒丸好弹牙，仲有一粒粒墨鱼肉，而个芝心口感同味道（浓淡）亦刚刚好～～
大家不妨一试～～真系好好味！不过小心「辣」到嘴㖞！
呢个又系食海鲜必叫之选～～蒜茸粉丝蒸扇贝！个人认为好味，不过唔系正到会想特别推介嘅菜式～
而扇贝嘅质素同份量都算唔错，亦唔会太熟蒸到硬哂，所以下次都会再食！
由于我哋大食，所以之后再加多咗个豉椒炒蚬～～不过不失～～虽然蚬肉都系唔少，味道亦唔错，不过炒蚬好似无炒蛏子咁正㖞？
可能因为我当时已经饱？又或者系蚬肉无蛏子肉咁肥美、鲜甜？
最后，真心推介呢间驹记～
有睇过我其他ＰＯＳＴ嘅人都知，差嘅店我真系会俾喊样佢！
但系正所谓「有图有真相」，呢间店无论蒸、炒、炸嘅卖相都见得人
份量、新鲜度等等都好令人满意，而且炸嘅嘢一啲都唔会觉得油腻！
另外，店员基本上都有礼、热心、动作快，所以又系加哂分！
如果下次再有其他朋友约我去鹅颈街市附近食，我都会介绍驹记！
（希望佢ＫＥＥＰ住咁嘅态度同水准啦～～）
张贴
