梅花邨小館

营业中

休息中

想黎试好耐，但住既地方离北角好远，一路都懒冇去到。终于今次下定决心要黎，就揾左个朋友一齐黎试。一入到去，摆设摆位有少少似茶楼，圆枱，枱上有茶楼用既个种圆型小茶杯同茶壶。睇完餐牌，因为人少，所以只叫两样。第一样叫既当然系卤水拼盘，入黎打冷店，我谂呢个都系必试啦！卤水偏咸(我指既系比我食开既更咸。)，因此卤水特有既味道减弱左。未系我食过最好味既卤味，有点特别既系有海蜇，系咸左D，算系唔错！然后第二样当然系佢出名既沙嗲牛肉炒河。好多牛肉，唔韧，有D仲几腍。佢既沙嗲酱应该配埋左好重既花生酱入去，令到成碟炒河花生酱味都好浓，非常可口！而最估唔到既系河粉竟然都入入地味！真怪不得间唔时就有人推介我去食啦！呢度最让我印象深刻既唔系食物，而系佢既干净，可能我见识少，我从未见过咁干净既潮州打冷店。一般既打冷店都系由一班阿叔打理，点都唔会干净得去边，就算ok干净，都唔会装修得好靓。但呢间唔同，干净，装修亦有少少传统中国味道(可惜冇影相)，所以我觉得带女仔黎都冇问题。