影片
更多
2022-10-01
167 浏览
第一次嚟呢间餐厅，都听过好多腐皮，但系我自己对食物冇乜要求所以冇乜所谓。餐厅有三个姨姨店员，明显有啲手忙脚乱，坐咗15分钟已经两次送错餐。叫咗两个下午茶餐，一件蛋糕加一杯嘢饮，但系店员唔知道自己有乜嘢蛋糕，要我自己行出去睇。下午茶餐$42 ，但系我行到出去睇一件蛋糕只系$20 ，即系一杯冻饮要$27 ，仲贵过件蛋糕。OK冇问题可能你蛋糕做紧优惠。我叫咗一件蓝莓芝士蛋糕，一件朱古力慕丝蛋糕，但系嚟到蓝莓芝士蛋糕，系没有芝士的，全部都系海棉蛋糕，即系蓝莓海棉蛋糕，可能啲芝士收埋咗系一啲神秘嘅位置我见唔到食唔出。到件朱古力慕丝蛋糕，餐厅标榜蛋糕每日新鲜制造，但系我几肯定件朱古力蛋糕起码放咗两至三日，上面啲cream外层已经干晒硬晒，成件蛋糕冇朱古力味，冇甜味，外层干硬，一系佢比错件塑胶display俾我，一系真系咁难食，真系食唔到落去。腐皮是实至名归。人生最差蛋糕。哭左
朱古力慕丝蛋糕
$42
15 浏览
0 赞好
0 留言
张贴
