花月居酒屋

营业中

休息中

衬时装店大减价与好姊妹选购衣物，shopping完刚好一过漆咸道就到尖东一带，心想尖东应该比尖沙咀少人，用膳可以坐得比较舒服，就过天桥觅食。希尔顿中心都有好几间食肆，见到花月居酒屋地面有招牌，写位于中国银行一楼，问问好姊妹意见，大家都同意一试。星期六夜晚七点左右只有一两枱客，其中一枱系日本人，灯光较暗不过人少坐得舒服。池鱼刺身两食，白肉鱼比较清爽，适合夏天食用，池鱼肉质软腍新鲜，拌上姜葱同食很合拍。池鱼鱼骨炸脆又有另一食法，不过部分骨头，尤其是主骨比较硬，唔可以连骨食埋，唔系好容易整伤喉咙。脆炸一般人会比较忽略，以为可以连骨食。八爪鱼唐扬八爪鱼入口尚算弹牙爽口但外层脆炸有点腍身，感觉比较油腻。清酒煮大蚬用上很多蒜蓉同煮，蚬肉较薄但亦鲜甜。白鳗串烧皮脆肉嫩，但鲜味略逊。蒜蓉猪肉串烧食不到亦见不到蒜蓉，犹如一般五花腩薄切串烧，不过猪肉半肥瘦火烧一定好食。猪大肠串烧比较肥，幸好没有溢味。当晚人少关系菜色上得太快，一下子所有菜色全部上枱，感觉有点赶客。