一八六一廚房 (已結業)

估唔到宝琳街市可以食到咁好味嘅汉堡，真系好有惊喜，要介绍吓。佢嘅面包全部都系自家制嘅，用唔同嘅天然材料整出唔同颜色嘅面包，卖相吸引又健康，最紧要系啲包完全唔黐牙😍招牌手打牛肉汉堡餐，$68话明招牌梗系要一试，仲可以加唔同嘅配料，我就加$6要咗炒蛋，你睇个颜色就知炒得好好。手打牛好厚好juicy，一啖要咬晒面包、蛋同牛肉都几困难🤣佢𠮶酱汁都好好味，应该用蕃茄酱再沟其他酱汁，啲酱流到块面包度，正。bbq板烧鸡腿汉堡餐，$68呢个就俾咗黑色嘅竹炭包我，卖相都好吸引。大大块鸡扒真系啖啖肉，bbq汁都好惹味，食完又唔会觉得滞，好唔错。套餐包嘢饮同双薯薯条，可以加钱换其他小食，选择都好多，薯饼、吉列蚝、沙律都有，相当丰富。呢度最特别之处系，每次叫嘅包嘅颜色都会唔同，系老细安排，薯条嘅口味都会唔同，今次就俾咗紫菜味我，我返去用焗炉焗热嚟食，好好味，尤其系蕃薯条😍 而家新开仲有优惠，大家把握机会去试吓啦。