惠比壽本店

营业中

休息中

除左葵廣美食之外，其實一直都唔知葵芳有咩可以食，今日lunch time同事就帶左我黎食日本野🇯🇵環境幾闊落，光線亦充足，就算六個人一齊食飯都唔會覺得逼夾，不過又可能因為餐廳可容納人數多，有啲啲嘈雜，同埋侍應都好似唔係太應付到尼個客量，但係出餐都快既。香蔥鮪魚蓉丼🍣$98鮪魚蓉足料，飯量都多，我黎食過兩次都無一次可以食得曬成碗飯，另外仲有配味噌湯同沙律，以一個午餐黎講實在滿足。另外食完會比番兩張卡仔比你，可以送小食/飲品一份，仲有外賣優惠。以香蔥鮪魚蓉丼為例，外賣價係$62，仲會送番味噌湯/飲品，唔知點解可以平咁多，下次會考慮叫外賣。