影片
更多
2019-11-02
187 浏览
🐯一行三人Happy hour完，谂住近近哋系洒吧楼下食宵夜，就系门口见到宵夜特价套餐好似好抵食，于是就决定去食！一入到餐厅，见到一位侍应同佢讲我哋三位，佢完全唔釆拧转头就走。。跟住终于有人上前招呼我啦坐低！我哋一坐低就叫个汤底先。。花胶鸡汤。。听落都坚呢！哗，真系有半只㖞。。啲花胶就只系迷你胶桶仔，不过打边炉做得汤底都唔会要求俾啲咩好嘢咖啦。。但系啲花胶真系好腥食唔落，而啲鸡都算正常嘅冰鲜货，可食到，仲有配埋师傅浓汤底。。精彩嘅画面终于出现啦，侍应送上一碟火锅料上枱，骤眼睇以为佢送错，原来系我哋点嘅韮菜饺。我从来未见过卖相系咁嘅(图中最右手边𠮶碟), 点都要试吓，点知连味道质感都好独特，真系好想知系边度入到咁特别嘅货！至于手工向铃，唔脆又有啲油益味。。其他𠮶两款料都尚算过得去！至于个牛皇拼盘仲精彩，睇落好似未执齐码就摆咗上枱咁款，有四款嘢：卷状雪藏肥牛3件，牛肉粒6粒左右，黑柏叶3块，仲有一碟大约6片仔似系手切牛。。系咁多！当时我见到呢碟嘢第一个反应系想即刻埋单走人。。所以我连相都无心情影！最终我都有食吓呢个招牌阿肥牛皇拼盘。。结果都只系好普通！总结，环境装修好用心仲配埋80-90年
一入到餐厅，见到一位侍应同佢讲我哋三位，佢完全唔釆拧转头就走。。跟住终于有人上前招呼我啦坐低！
我哋一坐低就叫个汤底先。。花胶鸡汤。。听落都坚呢！哗，真系有半只㖞。。啲花胶就只系迷你胶桶仔，不过打边炉做得汤底都唔会要求俾啲咩好嘢咖啦。。但系啲花胶真系好腥食唔落，而啲鸡都算正常嘅冰鲜货，可食到，仲有配埋师傅浓汤底。。
精彩嘅画面终于出现啦，侍应送上一碟火锅料上枱，骤眼睇以为佢送错，原来系我哋点嘅韮菜饺。我从来未见过卖相系咁嘅(图中最右手边𠮶碟), 点都要试吓，点知连味道质感都好独特，真系好想知系边度入到咁特别嘅货！至于手工向铃，唔脆又有啲油益味。。其他𠮶两款料都尚算过得去！
至于个牛皇拼盘仲精彩，睇落好似未执齐码就摆咗上枱咁款，有四款嘢：卷状雪藏肥牛3件，牛肉粒6粒左右，黑柏叶3块，仲有一碟大约6片仔似系手切牛。。系咁多！当时我见到呢碟嘢第一个反应系想即刻埋单走人。。所以我连相都无心情影！最终我都有食吓呢个招牌阿肥牛皇拼盘。。结果都只系好普通！
总结，环境装修好用心仲配埋80-90年代嘅歌！可能系我叫套餐嘅原因，食物质素只系好一般。。加上套餐嘅份量应该只系2人份！只怪我自作聪明3个人去食。。(可能老板好人，经已每碟加多咗件俾我哋！) 以后一定要睇清楚宣传单张写嘅”图片只供参考”！！
吖仲有，差啲漏咗赞吓全餐最正嘅小食炒花生同埋沙姜鸡脚，呢两碟都算系最好食，特别系碟花生炒得够哂香脆。。完。。
张贴
