影片
更多
2021-02-28
477 浏览
九龙城美东邨对于我嚟讲，系一个历史印记。虽然阔别多年，但每次经过总系会勾起回忆。近年听见政府要将屋邨清拆重建，上年终于的起心肝重游旧地🚶♀️。当时其实已经得返一间餐厅仲有继续营业，就系位于第五梯旁嘅「义兴冰厅」。其实细细个时主要都系跟住呀爸呀妈，唔会自己去帮衬。再者，即使住𠮶度，亦唔代表会成日去食，不过我都肯定有喺入面留低过脚毛嘅🦶。题外话，我以前觉得餐厅个名好唔正经🙈，亦记得有好多的士司机喺门口泊车入嚟食。记忆中𠮶度好噏耷，以前小朋友嘅我一定好抗拒。当日再次到访，只见到环境更残旧，因为就嚟都唔做啦。我对餐厅某啲地方特别有印象，例如呢度有两「层」，其实系讲紧中间有级楼梯。另外，餐枱面向门口菱形咁摆🪑。门口右边亦有个玻璃柜，我都唔记得咗以前系咪有新鲜出炉面包卖。当日我哋成下午四点半先去帮衬，但原来人哋收五点，即系我哋阻人放工要XXX🤣。不过店员们都乐意招呼、无赶我哋走。由于准备收舖，所以餐厅无几多食材剩，我哋都系简简单单食咗个面餐🍜，每碗承惠$38，冻饮再加$2，消费唔系想像中咁平。我食咗餐肉蛋肉丁米粉，朋友就要咗餐肉双蛋面。如果要讲味道，我就真系无乜特别好介绍，因为即系茶餐厅嘢食啰。味
九龙城美东邨对于我嚟讲，系一个历史印记。虽然阔别多年，但每次经过总系会勾起回忆。近年听见政府要将屋邨清拆重建，上年终于的起心肝重游旧地🚶♀️。当时其实已经得返一间餐厅仲有继续营业，就系位于第五梯旁嘅「义兴冰厅」。
其实细细个时主要都系跟住呀爸呀妈，唔会自己去帮衬。再者，即使住𠮶度，亦唔代表会成日去食，不过我都肯定有喺入面留低过脚毛嘅🦶。题外话，我以前觉得餐厅个名好唔正经🙈，亦记得有好多的士司机喺门口泊车入嚟食。
记忆中𠮶度好噏耷，以前小朋友嘅我一定好抗拒。当日再次到访，只见到环境更残旧，因为就嚟都唔做啦。我对餐厅某啲地方特别有印象，例如呢度有两「层」，其实系讲紧中间有级楼梯。
另外，餐枱面向门口菱形咁摆🪑。门口右边亦有个玻璃柜，我都唔记得咗以前系咪有新鲜出炉面包卖。
当日我哋成下午四点半先去帮衬，但原来人哋收五点，即系我哋阻人放工要XXX🤣。不过店员们都乐意招呼、无赶我哋走。
由于准备收舖，所以餐厅无几多食材剩，我哋都系简简单单食咗个面餐🍜，每碗承惠$38，冻饮再加$2，消费唔系想像中咁平。
我食咗餐肉蛋肉丁米粉，朋友就要咗餐肉双蛋面。如果要讲味道，我就真系无乜特别好介绍，因为即系茶餐厅嘢食啰。味道份量正常，唔难食、亦无话好好味👌。
冻饮大大杯，分别系冻奶茶同冻杏仁霜🥛，难得有后者啊！
如果想趁佢仲未完全结业去帮衬，就记住一早去，暂时见佢放出嚟嘅餐牌食物菜式都仲有唔少。我哋五点未够食完出嚟已经落咗闸🚪。
上述食记及相片拍摄于2020年10月31日。我估计当时美东楼尚有起码一半住户，但唔少搬紧屋。
2021年2月7日我再次走过美东楼，义兴冰厅仲有营业，但外围已经封咗板，再见唔到玻璃窗。住户亦应该已经全部迁出，咁即系代表呢度真系将正式成为过去。
总括嚟讲，我只系想借呢篇食评，将心底里嘅一点小小情谊，永远留喺我嘅历史回忆入面。不再见了👋，美东楼！
张贴
