影片
更多
2020-07-06
464 浏览
将军澳多咗好多海边嘅餐厅，星期日带住小朋友黎到，谂住随便揾一间试试，点知6点半去到，间间餐厅都坐满晒咁制，唔想等位又唯独得呢间仲有位，一于谂住试试啦！餐厅环境几日式，旁边仲有得包厢，私隐度够高！不过好明显完全无做防疫措施，就连门口探热都无！不过留意咗好耐，成间餐厅得一个楼面做野，安排位置又系佢，点菜同埋单又系佢，传菜又系佢，就连浜烧开炉煮野都系佢，目测厨房都系得2-3个人。睇见佢都辛苦，但佢依然好淡定亦都保持礼貌。好彩我地算系最早嘅客人，上菜都算快！食物水准都算ok，但就无想encore嘅感觉。盐烧椰菜，好味！自选寿司，左口鱼裙边值得一赞，烧得好好，咬落去啖啖油香，其他都系一般，正正常常！串烧：大葱鸡肉，豚肉鹌鹑蛋，牛舌豚肉鹌鹑蛋好食，鹌鹑蛋唔会过熟！其他味道略嫌淡咗少少。神奇炒面，神奇在分唔到系咖喱味定酱油味，又有少少大阪烧味，小朋友好钟意食，炒得唔错！带子鱿鱼烧，即系大阪烧，入面包住带子同鱿鱼，好味！浜烧类剩系试咗鱿鱼筒及甲罗烧，因为个楼面太忙，佢都好有礼貌同我地解释，话平时佢会帮手烧，但今日太忙，想我地自己烧返，佢摆完食物上去再教我地点烧，途中都有留意下我地烧熟未，服务都算系咁！
餐厅环境几日式，旁边仲有得包厢，私隐度够高！不过好明显完全无做防疫措施，就连门口探热都无！
不过留意咗好耐，成间餐厅得一个楼面做野，安排位置又系佢，点菜同埋单又系佢，传菜又系佢，就连浜烧开炉煮野都系佢，目测厨房都系得2-3个人。睇见佢都辛苦，但佢依然好淡定亦都保持礼貌。
好彩我地算系最早嘅客人，上菜都算快！食物水准都算ok，但就无想encore嘅感觉。
盐烧椰菜，好味！
自选寿司，左口鱼裙边值得一赞，烧得好好，咬落去啖啖油香，其他都系一般，正正常常！
串烧：大葱鸡肉，豚肉鹌鹑蛋，牛舌
豚肉鹌鹑蛋好食，鹌鹑蛋唔会过熟！其他味道略嫌淡咗少少。
神奇炒面，神奇在分唔到系咖喱味定酱油味，又有少少大阪烧味，小朋友好钟意食，炒得唔错！
带子鱿鱼烧，即系大阪烧，入面包住带子同鱿鱼，好味！
浜烧类剩系试咗鱿鱼筒及甲罗烧，因为个楼面太忙，佢都好有礼貌同我地解释，话平时佢会帮手烧，但今日太忙，想我地自己烧返，佢摆完食物上去再教我地点烧，途中都有留意下我地烧熟未，服务都算系咁！
味道黎讲，烧鱿鱼就一定唔会差，食得出几新鲜。甲罗烧都ok，我地仲叫咗碗白饭捞埋啲蟹膏一齐食，好味！
张贴
