Chilli Lime (MONTEREY Place)

营业中

休息中

今日嚟到将军澳澳南海岸𠮶边食饭，我哋今次拣咗呢间系主打食东南亚地区菜嘅餐厅，餐厅环境非常以木为主更以不同画作做装饰，另外座位仲有分室内同露天座位添。Pomelo salad首先讲吓呢个柚子沙律大大嚿嘅柚子沙律配上大虾，加啲酱汁一齐食酸酸美味非常之开胃，作为前菜十分适合。Prawn cake 虾饼一共有四而且件件都非常大件。上枱仲热辣辣，入口虾肉非常厚实咬落非常香脆可口，点埋酸甜酱更添滋味。Grilled pork neck猪颈肉嘅份量非常之多，烧得非常之香口，而且咬落一啲都唔会韧。Morning glory chillies飞天通菜入口非常爽脆，咸咸辣辣非常惹味，而且份量都唔少添。我哋去嘅时间甘岩有happy hour所以叫一杯正价饮品再加$18就可以有第二杯啦非常优惠。呢间餐厅真系非常值得推介，而且价钱唔贵食物方面都有质素。