La Vache!

营业中

休息中

之前成日听同事讲依个餐厅唔错，早排网上见到有promotion可以用优惠价食就即刻book位。今次weekend黎食lunch，接近两点黎到人都仲几多下。餐厅无menu，价钱得一款，个个都系食同样嘅菜。一坐底无耐个侍应会问系咪第一次黎，然后会同我地解释，基本上每人净系需要拣牛扒要几多成熟。首先都会有一碟沙律同法包食，法包有两片，沙律都几大碟，里面仲加左核桃。食完之后就上牛扒，牛扒上嘅时候会有个火炉喺下面热住，所以如果觉得唔够熟可以摆上面煮一煮先。我叫左medium，黎到嘅时候虽然有一两块over cooked，不过整体都ok，肉嘅中间位置依然系pink而且好淋。佢有提供蘑菇汁可以点牛扒，不过我觉得斋食好味啲。除左牛排之外，侍应会成个兜拎啲薯条黎分比我地。不得不赞啲薯条超级好食，同平时食开嘅唔系好同。食落牛油味好香，易入口，热辣辣送到黎真系停唔到口。不过唯一一样野系觉得薯条嘅盐都洒得比较多，食得多就会觉得有啲咸。佢啲薯条系无限量供应架，岩哂薯仔控。我依个套餐食完之后仲有包甜品蓝莓挞。虽然佢好快已经换哂甜品刀叉比我地，不过甜品等得耐左啲，差唔多15分钟都未黎，要之后问个侍应佢先serve。