Brilliant Cooking (已結業)

今日试左呢间餐厅,叫左个巨大厚切猪肉眼,上菜真系有d惊喜,餐牌写巨大厚切,又真系好大份。有块烧菠萝,有肉眼,平时沙律菜出面都系意思意思伴下碟有d颜色算,佢真系好足料,净食沙律菜都够啊!讲返重点,我平时唔多食猪,因为食亲d猪都鞋既,今次系睇在块菠萝份上...但呢个猪肉眼食落去好嫩好Juicy,入口无猪燥味,仲有好香既烟熏味,切开都唔系好见到肉纹。我以为佢配个酱汁都系出面d大路野,唔系烧烤汁就系黑椒之类劲浓味,又唔系wo佢个汁食唔出系咩,不过有浸肉既油香味,食落口唔会好咸或者好"杰",令到个扒湿湿地又唔会遮左烟熏味又加重左肉香,不过唔点个汁都好好食..块烧菠萝果然无令我失望,烤到外面有d焦香入面爆晒汁,食几啖扒再食旧菠萝解腻，正!下次会再黎试下其他,希望继续有惊喜!