3rd Space (已搬遷) 新店位置

睇过饮食网介绍，想试一试依间招牌三层厚pancake。刚巧计划当天去品酒嘉年华，一于顺道到依间隔涉既小店，由上环地铁站行上去都要几个字时间架。依间小店地方不大，只系一个转角位既铺，再加一条＂后行＂，等咗两张枱就有位，我张枱位于行仔，虽然条行装修得几有品味（睇之前既post话修行拍过电影添），但我一往上看有d惊，我正坐在住宅大厦下面，总是幻想上面会有野掉下。😖我们叫了三文鱼牛油果他他多士，招牌Earl Grey pancake 及奇异果火龙果smoothie。杯smoothie好味同感觉都落咗几多生果。三文鱼牛油果他他个酱做得唔错，如果每件再俾多d酱就更好了，但片多士不是特别松化。此处既主角三层pancake，可以任选三款酱／水果，我们选择了芒果酱，香蕉同哈蜜瓜 (哈蜜瓜比较特别，别家的pancake 比较少有用来配pancake)。哈蜜瓜好甜美，个pancake亦有earl grey 茶香味，如果味道浓d更好。