和処 酒肴 (已結業)

朋友介绍位于尖沙咀漆咸围内街的一间特色日式料理，佢哋嘅料理主要都系厨师发板，套餐分三个价钱，有六百几、八百几到一千三百不等。由于好肚饿，而且想同太太食豪啲，于是拣咗1300嘅套餐，而且仲系好神秘，连食乜都唔知。前菜到咗，几有惊喜，盛装前菜嘅器皿好特别，拆开之后分开三盆，差唔多有成10款小食。每款一小口，款款有新意，而且味道相当唔错。跟住上咗刺身，五款刺身都系高质素嘅靓野，同平时食开普通日式餐厅嘅刺身最大嘅分别系佢嘅温度非常适中，绝对唔会说得太冰冻太硬，但系保持住应有嘅温度。日本北海道生蚝配上三文鱼子加柚子汁，鲜味非常！跟住上咗两三海胆款热晕，香煎银鳕鱼拼煎猪肉卷。清炖海鲜汤海胆炖蛋，啖啖海胆肉的，美味无比。跟住10款师傅亲自挑选新鲜嘅材料制作手握寿司，分别系：黑立、方弗鱼、油甘鱼、金目鱼、马交鱼、天使虾、火炙左口、平政鱼、吞拿腩。师傅问我最钟意食边一件，我就话系入口即溶嘅吞拿鱼，师傅即刻回应普遍香港人都钟意食肥美嘅吞拿鱼，但系日本人就唔系。最后饮完面鼓汤后，便上咗甜品拼盘，卖相相当唔错，只系本人不爱吃甜食。