影片
更多
2023-07-11
476 浏览
车仔面又名为嗱喳面，最有印象就系周星驰系《食神》评火鸡姐碗车仔面的评价﹕「好好地一粒咖喱鱼蛋，既无鱼味又无咖喱味，失败！萝卜无拣过，太多渣，失败！猪皮煮得太淋，无弹性，失败！猪红一夹就散，失败中的失败！」虽然只系一碗下价港式粉面，但近呢十年车仔面越做越认真。有唔少朋友见我评紧米线，几时轮到车仔面。盛情难却之下，不如我就「嗱嗱喳喳」咁评下坊间比较出名的车仔面店。评车仔面其实主要分三部份，第一系汤底，第二系𩠌菜配料，而最后就系有无创意特色。第一间要评就系系湾仔都几受打工仔欢迎的十兄弟车仔面。<汤底>碗面黎到已经觉得唔系好对路，汤底色水好浅色，仲要填加多腩汁，另外呢度话自己辣椒酱出名，亦填左加中辣，不过只系俾左一啖辣椒酱系匙羹，放完汤到基本上感受唔到咩辣度。汤底饮落去饮唔到腩汁的味道，只系相对普通的汤头，唔算浓郁又唔够清甜。<𩠌菜配料>呢方面的选择都几多，系文字描述上面都几有特色，于是今次叫左呢度出名的猪软骨、香辣玻璃鱿鱼、五香金钱肚、牛坑腩同埋陈皮鱼蛋。呢度每款配料大约$12至$17蚊，属于偏中上价格，所以我要求应该会更加高。香辣玻璃鱿鱼 - 基本上系无香辣
评车仔面其实主要分三部份，第一系汤底，第二系𩠌菜配料，而最后就系有无创意特色。第一间要评就系系湾仔都几受打工仔欢迎的十兄弟车仔面。
<汤底>
碗面黎到已经觉得唔系好对路，汤底色水好浅色，仲要填加多腩汁，另外呢度话自己辣椒酱出名，亦填左加中辣，不过只系俾左一啖辣椒酱系匙羹，放完汤到基本上感受唔到咩辣度。汤底饮落去饮唔到腩汁的味道，只系相对普通的汤头，唔算浓郁又唔够清甜。
<𩠌菜配料>
呢方面的选择都几多，系文字描述上面都几有特色，于是今次叫左呢度出名的猪软骨、香辣玻璃鱿鱼、五香金钱肚、牛坑腩同埋陈皮鱼蛋。呢度每款配料大约$12至$17蚊，属于偏中上价格，所以我要求应该会更加高。
香辣玻璃鱿鱼 - 基本上系无香辣味，所以鱿鱼好似无调过味咁，仲显路出些少腥味，唯独质感算弹牙。
猪软骨 - 只系将一旧斩成2旧仲要碎上，而猪软骨一D都唔软，又唔够入味，证明纹得唔够时间
陈皮鱼蛋同五香金钱肚 - 够味，不过略嫌过咸
牛坑腩 - 肉质唔错，望纹路真系牛坑腩，而味道亦都岩岩好，唯一可拣的𩠌
<创意特色>
如果只系睇Menu，系𩠌菜名字上其实算有创意，例如有鲍鱼、麻辣莲藕、泰式炸猪皮等。不过基本功都未做得好之下，几有创意都无用。
整体黎讲，呢间都算系近年食过的车仔面当中都叫几伏，希望佢地唔好以为嗱喳面就真系可以嗱嗱喳喳蒙混过骨，难怪假日都唔算太多人帮衬。
张贴
