影片
更多
2015-11-18
726 浏览
经常路过见排长龙或者闩左门，难得偷懒唔操拳走返上水，食完个加底车仔面都唔够饱，依然肚饿，又见无人就整多个巨狗试试啦。早前都有上 openrice 度 research 过有咩好野食经常排长龙，今晚第一次就由基本热狗开始啦。芝士肉酱热狗、奶酱热狗、雪糕热狗、邪恶芝士热狗、奶酱热狗，只有四款狗，其实我只需要简简单单茄汁、芥辣、酸酱已足够，最紧要面包同香肠高质好味！我又再次怀念美国 Costco USD1.5 既珍宝热狗连汽水任饮呢！次次最少食两只，平靓正。有好多特色雪糕同奶色㖞，不过我对甜野麻麻，不过生果沙冰可以试试。单点热狗有点闷，炸鱼？都好，79 号下个到我喇，食完车仔面加多只巨狗应该够饱！芝士肉酱热狗，秤秤先，够坠手有份量，有 iPhone 6 plus 咁大只。虽然唔系 8 吋巨肠，不过约 5 吋粗肠已经非常满足，而且肉酱芝士塞得满满的。居然系我不太喜欢既脆包，好采只系薄薄一层脆皮啫，外脆内软都无咁惊。唔系 UA 戏院硬到法包一样既面包，包皮厚到刮口，包肉又硬又韧，要花多点牙力先咬得到呢！芝士肉酱热狗，即叫即做热辣辣，连面包都热架！就算我既血盆大口要一啖咬落去都有点免强，要压一压、
经常路过见排长龙或者闩左门，难得偷懒唔操拳走返上水，食完个加底车仔面都唔够饱，依然肚饿，又见无人就整多个巨狗试试啦。早前都有上 openrice 度 research 过有咩好野食经常排长龙，今晚第一次就由基本热狗开始啦。
芝士肉酱热狗、奶酱热狗、雪糕热狗、邪恶芝士热狗、奶酱热狗，只有四款狗，其实我只需要简简单单茄汁、芥辣、酸酱已足够，最紧要面包同香肠高质好味！我又再次怀念美国 Costco USD1.5 既珍宝热狗连汽水任饮呢！次次最少食两只，平靓正。
有好多特色雪糕同奶色㖞，不过我对甜野麻麻，不过生果沙冰可以试试。单点热狗有点闷，炸鱼？都好，79 号下个到我喇，食完车仔面加多只巨狗应该够饱！
芝士肉酱热狗，秤秤先，够坠手有份量，有 iPhone 6 plus 咁大只。虽然唔系 8 吋巨肠，不过约 5 吋粗肠已经非常满足，而且肉酱芝士塞得满满的。居然系我不太喜欢既脆包，好采只系薄薄一层脆皮啫，外脆内软都无咁惊。唔系 UA 戏院硬到法包一样既面包，包皮厚到刮口，包肉又硬又韧，要花多点牙力先咬得到呢！
芝士肉酱热狗，即叫即做热辣辣，连面包都热架！就算我既血盆大口要一啖咬落去都有点免强，要压一压、卷一卷先刚刚好咬得到乍。浓厚芝士肉酱香味迎面而来，狠狠地大大啖咬落去，芝士肉酱即时激射，满口满手都系酱汁，都食得几狼狈吓，不过有风味！幸好攞到返屋企先食啫。
热辣辣脆皮热狗肠，脆卜卜肠皮藏著滑滑的嫩肉，香而不咸，肉肠味道清爽甜美。爆开肉汁四践，非常湿润 juicy，看得到的蠢蠢欲滴，脆滑湿软棉腍既质地同时出现，非常丰富！肉酱茄味浓浓，香口猪肉碎作为点缀，完全唔会有喧宾夺主抢去热狗肠风头既感觉。芝士跟蕃茄肉酱从天地初开时已经系绝配，半溶香滑暖笠笠芝士搭上肉酱再狠狠地搂抱著肉肠，卖相吸引又增加食欲，yummy yummy！赞，真系不妨试试。
炸鱼块，鱼块？同我想像既差好远，系我脑海中只不停浮现出 fish & chips 既炸鱼柳，并不是眼前既鱼手指啰，卖相好吉烈吓，我一向对吉烈食物都麻麻地。因为觉得净叫只热狗好鬼 dry，咪叫多款小食调剂一下，无咁闷麻。
即叫即做即炸，所以要耐心等候，新鲜出炉热辣辣！咬啖睇睇先，用既系浓味青衣柳㖞，并不是惯常既龙脷柳。青衣柳较重鱼味而且质感结实，仲好香添。厚厚既蛋酱面包糠紧紧锁住肉汁，而且炸既时间恰到好处，鱼肉滑溜富弹性，好鱼！
如果钟意食香口脆口炸物或吉烈既食家应该非常喜爱，厚厚面包糠炸得金黄卜卜脆，质感近乎硬烧肉皮，配上沙律酱味道都唔错架，只不过系唔啱我口味啫。我钟意炸得松化、薄薄蛋酱、薄薄幼面包糠或是天妇罗云一样既轻盈雪白炸酱，食到香脆又食到材料原味。最后我唯有当食蟹咁食，剪开个壳，鱼肉美味啊！
张贴
